قر ءىىم ءباسپاسوز قىزمەتى ورال قالاسىنا كىرگەن اۋعانستاننىڭ 11 ازاماتى كوشى-قون زاڭناماسىن بۇزعانى ءۇشىن ۇستالعانىن حابارلادى, دەپ جازادى Egemen.kz.
اتالعان شەتەلدىكتەردىڭ قۇجاتتارىن تەكسەرۋ بارىسىندا ەكەۋىنىڭ ۆيزاسىنىڭ مەرزىمى اسىپ كەتكەنى انىقتالعان. ولارعا قاتىستى قر اقبتك-ءنىڭ 517-بابىنىڭ 4-بولىگى بويىنشا اكىمشىلىك حاتتاما تولتىرىلدى.
سونداي-اق ەكى اۋعانستان ازاماتى بۇرىن قر اۋماعىنان كۇشتەپ شىعارىلعانى بەلگىلى بولعان. ولار ورال قالالىق پب قابىلداپ-تاراتۋ ورنىنا ورنالاستىرىلدى.
باتىس قازاقستان وبلىسى اۋماعىندا شەتەل ازاماتتارىنىڭ بولۋ سەبەپتەرىن انىقتاۋ ماقساتىندا تەكسەرۋ شارالارى جۇرگىزىلىپ جاتىر.