قازاقستان رەسپۋبليكاسىنىڭ رەسەي فەدەراتسياسىنداعى توتەنشە جانە وكىلەتتى ەلشىسى زاۋىتبەك تۇرىسبەكوۆ جاقىندا ۋدمۋرت رەسپۋبليكاسىندا بولدى, دەپ حابارلادى ەلىمىزدىڭ ماسكەۋدەگى ەلشىلىگىنىڭ ءباسپاسوز قىزمەتى.
كەزدەسۋ بارىسىندا ەلشى ۋدمۋرت رەسپۋبليكاسىنىڭ پرەزيدەنتى ا.ۆولكوۆپەن كەزدەسىپ, ەكىجاقتى ساۋدا-ەكونوميكالىق جانە مادەني-گۋمانيتارلىق قارىم-قاتىناستاردى ودان ءارى تەرەڭدەتۋ ماسەلەلەرىن تالقىلادى. تاراپتار ىنتىماقتاستىقتىڭ پەرسپەكتيۆالى باعىتتارى دەپ اۆتوموبيل جاساۋ, اۆياقۇرىلىس, مۇناي-حيميا, كەمە جاساۋ سالالارىن اتاپ ءوتتى.
بۇل ز.تۇرىسبەكوۆتىڭ ۆولگا بويى فەدەرالدىق وكرۋگىنىڭ الەۋەتىمەن جاقىننان تانىسۋ ماقساتىمەن وسى ايماقتى ارالاۋعا باعىتتالعان ساپارىنىڭ باسى ەدى. ۇستىمىزدەگى جىلدىڭ كۇزىندە استانادا قازاقستان مەن ۆولگا بويى فەدەرالدىق وكرۋگى بيزنەس وكىلدەرىنىڭ بيزنەس-فورۋمى بولۋى دا مۇمكىن. كەزدەسۋ بارىسىندا ەلشى وسى ماسەلەلەردى دە ايتىپ ءوتتى. سونداي-اق قازاقستان ەلشىسى پلاستماسسا زاۋىتى, يجەۆسك مەحانيكالىق زاۋىتى, “ساراپۋل-مولوكو” ااق, “تسۆەتى ۋدمۋرتي” ااق سياقتى جەتەكشى كاسىپورىنداردا بولدى. ەلشى يجەۆسكىدە كونسترۋكتور م.كالاشنيكوۆپەن دە كەزدەستى. داڭقتى كونسترۋكتور قازاقستان ءجايلى جىلى پىكىرلەر ءبىلدىرىپ, ءوزىنىڭ 2003 جىلى پرەزيدەنت ن.نازارباەۆتىڭ قولىنان ءى ءدارەجەلى “دوستىق” وردەنىن العانىن ماقتانىشپەن مالىمدەدى.