كيەلى جەتىسۋ ءوڭىرى – قاي كەزدە دە ءان مەن جىردىڭ التىن بەسىگى بولىپ سانالادى. سوندىقتان دا مۇنداعى اقىندىق ءداستۇر, ءان مەكتەبى ءتۇركى ەلىنىڭ ورتاق رۋحاني الەمىنە قوسىلعان ولشەۋسىز ۇلەس دەۋگە بولادى. ەلدىڭ رۋحىن كوتەرگەن ونەر ادامدارىنا كورسەتىلگەن قامقورلىق مۇندا جىل وتكەن سايىن جاراسىم تابۋدا.
قالامگەرلەرمەن ءداستۇرلى كەزدەسۋ كيەلى كۇرەڭبەلدە جالعاستى. قازاقتىڭ كوگىندەگى جارىق جۇلدىزداي جارقىراپ وتكەن شوقاننىڭ ءىزى قالعان ايماق ازاماتتارى قالامگەرلەردى قۇشاق جايا قارسى الدى. ديدارلاسۋدا وبلىس اكىمى سەرىك ۇمبەتوۆ ەلباسىنىڭ باستاماسىمەن قولعا الىنعان “مادەني مۇرا” باعدارلاماسى بويىنشا وڭىردە اتقارىلعان جۇمىستارعا توقتالدى.
بۇدان سوڭ جازۋشى ءالي ىسقاباي, اقىندار نادەجدا لۋشنيكوۆا, ايتاقىن ابدىقال, تاعى باسقالار سويلەپ, جالپى بۇگىنگى كۇنى شەشىمىن تاباتىن ماسەلەلەر جايلى وي قوزعادى. ولار قالام كۇشىن ەل يگىلىگى مەن حالىق بىرلىگىنە جۇمسايتىندىقتارىن دا ورتاعا سالدى.
كۇرەڭبەلگە كەلگەن قالامگەرلەر قازاقتىڭ بۇلبۇل ءانشىسى كۇلاش بايسەيىتوۆانىڭ جەتىسۋ وڭىرىنە كەلىن بولىپ تۇسكەندەگى جەرىنە قويىلعان تاسقا ءتاۋ ەتىپ, تاريحي ورىندارمەن تانىستى.
كۇمىسجان بايجان, الماتى وبلىسى.