سيمفونيالىق وركەستردىڭ العاشقى كونتسەرتى

سيمفونيا وركەسترىنىڭ العاشقى كونتسەرتىندە وبلىس اكىمى اپپاراتىنىڭ باسشىسى شاحماردان بايمانوۆ ونەر ۇجىمىنا ساتتىلىك تىلەپ, سالاعا قاتىستى جوبالار مەن جاڭالىقتارعا توقتالدى. وسى جىلى ونەر جانە ادەبيەت وكىل­دەرىنە وبلىس اكىمىنىڭ «تۇران» سىي­لىعى تابىستالدى. بي­ىلدان باستاپ مادەنيەت سالا­سىنداعى ماماندار شەتەلدەردە بىلىكتىلىگىن ارتتىرا باس­تادى. جاڭادان ىسكە قوسىلعان ينكليۋزيۆتى تەاتر مۇمكىندىگى شەكتەۋلى ونەرپازدار شىعار­ماشىلىعىنا شابىت بەرسە, بۇعان دەيىن قىزىلوردا قالاسى اكىمدىگى جانىندا ۇيىرمە رە­تىندە جۇمىس جاساپ كەلگەن جاس­تار تەاترى ءوز الدىنا كا­سىبي ۇجىم رەتىندە قۇرىلدى.

جىل اياعىنا دەيىن مىڭ ورىندىق ونەر ورتالىعى بوي كوتەرىپ, بىرقاتار ۇجىم جا­ڭا عيماراتقا ورنالاسادى. ال­داعى ۋاقىتتا سيم­فو­نيا ور­كەس­ترىنىڭ جاڭا باع­دار­­­لا­ما­سىن سول ورتالىقتا تا­ما­شا­لاي الامىز.

وركەستر تۇساۋكەسەر كون­تسەرتىن ەلىمىزدە سيرەك ورىن­دالاتىن كۇردەلى تۋىن­دى­لار­دىڭ ءبىرى كومپوزيتور اح­مەت جۇبانوۆتىڭ «اباي» سيم­فو­نيالىق سيۋيتاسىمەن باستادى. كلاسسيكالىق مۋزىكا الىپتارى شۋبەرت, دەن­تسا, برامس, موتسارت, بيزە, چاي­كوۆسكي, مۇ­قان تولەباەۆ پەن نۇرعيسا تىلەن­ديەۆتىڭ شى­عار­مالارى ورىندالدى.

تەاتر زالىن تولتىرعان كورەرمەن وسى كەشتە حا­لىق­­ارا­لىق جانە رەسپۋبلي­كا­لىق كونكۋرستىڭ لاۋرەات­تا­رى سامال بايسەيىتوۆا, اي­دوس يمان­جاپپاروۆ, اقىل­بەك تابىنباەۆ, سىمبات تاس­بەرگەنوۆالاردىڭ ونەرىنە قول سوقتى.

قىزىلوردا