الماتىنى بەس كۇن بويى وپەرا مەن بالەتتىڭ جاۋھارلارىمەن دۋمانعا بولەگەن حالىقارالىق فەستيۆال ەڭ سوڭىندا ۇلكەن كونتسەرتپەن اياقتالدى. كلاسسيكالىق ونەردىڭ دارابوزدارى “اققۋ كولى”, “جيزەل” بالەتتەرىندە جارقىراپ, “قارعانىڭ ماتكەسى”, “بوگەما” وپەرالارىندا سايرادى.
اباي اتىنداعى مەملەكەتتىك اكادەميالىق وپەرا جانە بالەت تەاترى ء“JTى Kazakhstan” كومپانياسىمەن بىرىگىپ ۇيىمداستىرعان XV قازاقستاندىق حالىقارالىق فەستيۆال بەكزات ونەردىڭ ورلەۋىنە ءولشەۋسىز ۇلەس قوسىپ جۇرگەن الەمدىك وپەرا جانە بالەتتىڭ جارىق جۇلدىزدارىنىڭ ونەرىن جۇرتشىلىققا ۇسىندى.
وسىلايشا اباي اتىنداعى مەملەكەتتىك وپەرا جانە بالەت تەاترى وسىنداي فەستيۆالداردى ءوتكىزۋ ءداستۇرىن جاڭعىرتىپ, جىلىنا 4 رەت وتكىزۋدى جوسپارلاپ وتىر.
قازاقستانعا وسى فەستيۆال دەڭگەيدەگىدەي وپەرا-بالەت جۇلدىزدارى كەلگەندە, ەلىمىز ءۇشىن ءۇش ءماسەلە شەشىلەدى. بىرىنشىدەن, بۇل جەرگىلىكتى ارتىستەر ءۇشىن ۇلكەن شەبەرلىك دارىستەرى, ەكىنشىدەن, بۇل زال تولى كورەرمەن مەن ونەر مايتالماندارىنىڭ ساحنالىق قارىم-قاتىناسى. ويتكەنى, ءارتىس ءۇشىن ساحنا ماشىقتانىپ, ونەرىن پاش ەتۋگە مۇمكىندىك بەرەتىن جالعىز مەكتەپ. ءۇشىنشىدەن, ءبىزدىڭ تىڭدارماندار ايتۋلى جۇلدىزداردى ءوز ساڭلاقتارىمىزبەن سالىستىرىپ, قازاقستاندا دا ۇلكەن ونەر الەۋەتىنىڭ, باعالاۋعا تۇرارلىق مايتالمانداردىڭ بار ەكەنىن ءتۇسىنە الادى” دەيدى ونەرتانۋشىلار.
قىسقاسى, 5 كۇن بويى الماتى كورەرمەندەرىنە الەمدىك ونەر جاۋھارلارىمەن, وپەرا مەن بالەتتىڭ الەمگە اتى ءماشھۇر جۇلدىزدارىمەن قاۋىشۋ مۇمكىندىگى تۋدى. يتالياندىق كومپوزيتور پەر-دومينيك پوننەل, رەسەيلىك ديريجەر اندرەي انيحانوۆ, رەسەيدىڭ ۇلكەن تەاترىنىڭ پريماسى اننا انتونيچەۆا, سانكت-پەتەربۋرگتەگى ماريا تەاترىنىڭ بالەت سوليستەرى الەكساندر ۆولچكوۆ پەن بالەرينا اناتاسيا ۆولوچكوۆا, الەمدىك وپەرا جۇلدىزى نەتتا ور, سانكت-پەتەربۋرگتەگى ماريا تەاترىنىڭ باريتونى ۆيكتور چەرنومىرتسەۆ, ۋكراينا ۇلتتىق وپەرا تەاترىنىڭ سوپرانوسى تاتيانا انيسيموۆا ونەر كورسەتىپ قانا قويماي, جۋرناليستەرگە تاماشا سۇحباتتار بەرۋگە دە ۇلگەرىپ جاتتى.
ايناش ەسالي,
الماتى.