« ۇلى دالا جورىعى» مارافون-بايگەسىنە قاتىسۋشى كوماندالاردىڭ شاباندوزدارى بۇگىن ءتورتىنشى كەزەڭگە اتتاندى, دەپ حابارلايدى Egemen.kz.
ءتورتىنشى كەزەڭگە تاڭعى ساعات 7:00-دە اتتانعان شاباندوزدار ءۇشسارت اۋىلىنان تالدىسايعا دەيىنگى 100 شاقىرىمعا اتتارىن سىنايدى. الدىڭعى ءۇش كەزەڭدە 250 شاقىرىم جول ارتتا قالدى. ءۇشىنشى كەزەڭدە جامبىل وبلىسىنىڭ كومانداسى كومبەگە الدىمەن جەتتى, ماڭعىستاۋ وبلىسىنىڭ شاباندوزدارى ەكىنشى, جەتىسۋ وبلىسىنىڭ كومانداسى ءۇشىنشى كەلدى.
ەكىنشى كەزەڭدە سولتۇستىك قازاقستان وبلىسىنىڭ كوومانداسى جارىستان شىقسا, ءۇشىنشى كەزەڭدە باتىس قازاقستان وبلىسىنىڭ شاباندوزدارى دا بايگەنى وسى تۇستان اياقتادى. مارافون-بايگەنىڭ باس تورەشىسى نادەجدا كۋپتسوۆا باتىسقازاقستاندىقتاردىڭ اتتارى تىم جاس بولعانىن, الىس جولعا باق سىنايتىن بايگەگە جاراتپاي اكەپ قوسقاندىقتان بولدىرىپ قالعانىن ايتتى.