قاناتقاقتى جوباعا قاتىساتىن ءبىلىم وشاقتارىنىڭ ءبارى – قازاق مەكتەپتەرى. رەسپۋبليكا كولەمىندە ءبىرىنشى رەت قولعا الىنىپ وتىرعان يننوۆاتسيالىق جوباعا قوستاناي قالاسىنداعى م.حاكىمجانوۆا اتىنداعى 20-شى ورتا مەكتەپ پەن №115-ءشى مەكتەپ جانە توبىل قالاسىنداعى نۇرجان ناۋشاباەۆ اتىنداعى مەكتەپ-گيمنازيا تاڭداپ الىنعان.
«باستى ماقسات – پەداگوگيكالىق كادرلاردىڭ كاسىبي الەۋەتىن ارتتىرۋ, وقۋشىلاردىڭ بويىندا ۇلتتىق قۇندىلىقتار نەگىزىندە تاربيە فيلوسوفياسىن قالىپتاستىرۋ جانە ودان ءارى دامىتۋ. قازىرگى تاڭدا اتالعان مەكتەپتەردىڭ قازاق ءتىلى, اعىلشىن ءتىلى, گەوگرافيا, ماتەماتيكا, فيزيكا, حيميا, بيولوگيا پاندەرىنىڭ مۇعالىمدەرى مەن باستاۋىش سىنىپ مۇعالىمدەرى قوسىمشا وقۋدى باستاپ كەتتى جانە ىسكە كىرىستى. ياعني, ء«بىلىم يننوۆاتسيا» حالىقارالىق قورى بيىل الەمدەگى وزىق مەكتەپتەر جۇيەسىنىڭ ساپالى ءبىلىمى مەن قۇندىلىقتارىن وسى ءۇش قازاق مەكتەبىنە ەنگىزۋدى باستاپ كەتتى. بۇل جوبادان ءبىز ۇلكەن ناتيجە كۇتەمىز», دەيدى قوستاناي وبلىسى اكىمىنىڭ ورىنباسارى رينات مۇحامەتقاليەۆ.