بيىلعى 2023-2024 جىلعى وقۋ جىلىندا اباي وبلىسى بويىنشا 10 760 ءبۇلدىرشىن 1-سىنىپ تابالدىرىعىنان اتتادى, دەپ حابارلايدى Egemen.kz اباي وبلىستىق ءبىلىم باسقارماسىنىڭ مالىمەتىنە سىلتەمە جاساپ.
سونىڭ ىشىندە 7 548 (70%) بالا قازاق سىنىپتارىنا قابىلدانسا, ورىس ءتىلدى سىنىپتارعا 3 212 (30%) بالا تىلەك بىلدىرگەن.
وبلىس ورتالىعى سەمەي قالاسى بويىنشا ايتار بولساق, بۇگىنگى كۇنى 1-سىنىپقا قابىلدانعان وقۋشىلار سانى 5 565 بولسا, ونىڭ 3 417-ءى قازاق سىنىپتارىنا, 2 148-ءى ورىس سىنىپتارىنا بارعانى بەلگىلى بولىپ وتىر.
ساراپتاپ ايتار بولساق, 2022-2023 وقۋ جىلىندا 10 611 بالا 1 سىنىپقا قابىلدانعان ەدى. سونىڭ ىشىندە 7 251 بالا قازاق سىنىبىن تاڭداسا, ورىس ءتىلدى سىنىپقا 3 360 بالا بارعان.
دەمەك, وڭىردە قازاق سىنىبىنا باراتىن بالا سانى ارتىپ كەلەدى دەۋگە ابدەن بولادى.