كەزدەسۋدە كوتەرىلگەن وزەكتى ماسەلەلەر

كەزدەسۋدە «حالىق ۇنىنە قۇلاق اساتىن مەملەكەت» تۇجىرىمداماسىن ساپالى جۇزەگە اسىرۋعا جانە بيىلعى ناۋرىز ايىندا VIII سايلانعان پارلامەنتتىڭ ءبىرىنشى سەسسياسىنىڭ اشىلۋىندا قويىلعان مەملەكەت باسشىسىنىڭ تاپسىرمالارىنا باسىمدىق بەرىلدى. سونىمەن قاتار, بيۋدجەت ماسەلەلەرىمەن بىرگە مەملەكەتتىك قىزمەت كورسەتۋ ۇدەرىستەرىنىڭ اشىقتىعى مەن ولاردى باقىلاۋدىڭ وزەكتى ماسەلەلەرى تالقىلاندى.

سەناتور پرەزيدەنت نەگىزگى مىندەتتەردىڭ ءبىرى رەتىندە ءادىل, تۇراقتى جانە اشىق سالىق جۇيەسىن قالىپتاستىرۋدى بەلگىلەپ بەرگەنىن ايتتى.

«مەملەكەت باسشىسى سالىق ساياساتىنىڭ جاڭا مودەلى ۇلتتىق بايلىقتى وڭتايلى ءبولۋدى, ەكونوميكالىق بەلسەندىلىكتىڭ جوعارى دەڭگەيىن جانە ەكونوميكانىڭ باسىم سالالارىنا ناقتى قولداۋدى قامتاماسىز ەتۋگە ءتيىس ەكەنىن اتاپ ءوتتى. بىرلەسكەن كۇش-جىگەرمەن فيسكالدىق ورگانداردىڭ بيزنەس­پەن ءوزارا ءىس-قيمىلىن جاقسارتۋ ءۇشىن قاجەتتى شارالار قابىلداۋ قاجەت. بۇل كاسىپكەرلەردىڭ قىزمەتىن جەڭىلدەتۋگە, سونداي-اق بيۋدجەتكە تۇسەتىن تۇسىمدەردى ۇلعايتۋعا مۇمكىندىك بەرەدى», دەدى سۇلتانبەك ماكەجانوۆ.

* * *

سەنات دەپۋتاتتارى سەرگەي كارپليۋك پەن عاۋەز نۇرمۇحامبەتوۆ قوستاناي وبلىسىنىڭ ناۋرىزىم جانە اۋليەكول اۋداندارىنا باردى. ساپار بارىسىندا اۋداندىق ءماسليحات دەپۋتاتتارىمەن, اۋىل شارۋاشىلىعى تاۋارىن وندىرۋشىلەرمەن جانە تۇرعىندارمەن كەزدەستى.

كەزدەسۋدە قاتىسۋشىلار اۋدانداردىڭ ينفراقۇرىلىمىن دامىتۋ, گازداندىرۋ جانە اۆتوموبيل جولدارىن جوندەۋ ماسەلەلەرى تالقىلاندى. ساپار بارىسىندا دەپۋتاتتار اۋليەكول اۋىلىنداعى بالاباقشانىڭ, قارامەندى اۋىلىنداعى ساۋىقتىرۋ كەشەنىنىڭ قۇرىلىس جۇمىستارىمەن جانە امانقاراعاي اۋىلىنداعى ساۋىقتىرۋ كەشەنىنىڭ قىزمەتىمەن تانىستى.

سونىمەن قاتار سەناتورلار پەشكوۆ جالپى ءبىلىم بەرەتىن مەكتەبىنىڭ جۇمىسىمەن, فەدوروۆكا اۋىلىندا سالىنىپ جاتقان كوپپاتەرلى تۇرعىن ءۇي قۇرىلىسىمەن تانىسىپ, فەدوروۆ اۋدانىنىڭ تۇرعىندارىمەن جانە ءماسليحات دەپۋتاتتارىمەن كەزدەسۋلەر وتكىزدى.

سونداي-اق سەرگەي كارپليۋك پەن عاۋەز نۇرمۇحامبەتوۆ قارابالىق اۋدانىنىڭ تۇرعىندارىمەن, اكتيۆىمەن, اگرارلىق كاسىپورىندار مەن الەۋمەتتىك سالا وكىلدەرىمەن بىرگە ەلەكتر جەلىلەردىڭ توزۋى, گازداندىرۋ جانە كادر تاپشىلىعى ماسەلەلەرىن تالقىلادى. دەپۋتاتتار كەزدەسۋگە قاتىسۋشىلارعا پارلامەنت سەناتىنىڭ زاڭ شىعارۋ قىزمەتى تۋرالى دا ايتىپ بەردى.

* * *

ءماجىلىس دەپۋتاتتارى, «Amanat» پارتياسى فراكتسياسىنىڭ مۇشەلەرى ايگۇل قۇسپان مەن نيكيتا شاتالوۆ الماتى قالاسىنداعى زاماناۋي وتباسىلىق-دارىگەرلىك امبۋلاتوريالىق ورتالىققا باردى. ورتالىق پارتيانىڭ سايلاۋالدى باعدارلاماسىن ىسكە اسىرۋ جونىندەگى جول كارتاسى شەڭبەرىندە سالىنىپ جاتىر.

قازىرگى ۋاقىتتا قالاعا قاراستى كەمەل اۋدانىندا 124 مىڭ پاتسيەنتى بار ءۇش ەمحانا عانا مەديتسينالىق قىزمەت كورسەتەدى. قالعان 50 مىڭ تۇرعىن كورشى اۋداندارعا مەديتسينالىق كومەككە جۇگىنۋگە ءماجبۇر. مەديتسينالىق مەكەمەلەردىڭ ەڭ وتكىر تاپشىلىعى ءدال وسى كەمەل شاعىن اۋدانىندا, ساياحات اۆتوۆوكزالىنىڭ جانىندا جانە جۇمىسشى كەنتىنىڭ تۇرعىن الابىندا سەزىلەدى.

– جاڭا وتباسىلىق-دارىگەرلىك امبۋلاتوريا جالپى پراكتيكا دارىگەرلەرى, پەدياترلار, اكۋشەر-گينەكولوگتەردىڭ, وتباسىن جوسپارلاۋ, دارىگەرگە دەيىنگى, راسىمدىك جانە ەگۋ كابينەتتەرىن قوسا العاندا, بارلىق مەديتسينالىق قىزمەتتى ۇسىنادى. مۇندا تۇرعىندارعا بىلىكتى مەديتسينالىق كومەك الۋ ءۇشىن بارلىق جاعداي جاسالادى, – دەدى ايگۇل قۇسپان.

قازىرگى ۋاقىتتا نىسان 97 پايىزعا اياقتالدى, جارىقتاندىرۋ قۇرىلعى­لارىن ارلەۋ جانە ورناتۋ بويىنشا قۇرىلىس-مونتاجداۋ جۇمىستارى جاسالىپ جاتىر. نىساندى تاپسىرۋ جىلدىڭ سوڭىنا دەيىن جوسپارلانعان. مەديتسينالىق فيليال اشىلعاننان كەيىن كەمەل شاعىن اۋدانىنىڭ 22 مىڭنان استام تۇرعىنى ءوز ايماعىندا بىلىكتى مەديتسينالىق كومەك الا الادى.

* * *

ءماجىلىس دەپۋتاتتارى دينارا شۇكىجانوۆا مەن دينارا ناۋموۆا پاۆلودار وبلىسىنا بارىپ, ءوندىرىس ورنىنىڭ جۇمىسىمەن تانىستى.

الدىمەن ماجىلىسمەندەر پاۆلودارداعى ءىرى جۇمىس بەرۋشى كاسىپورىن­دارىنىڭ ءبىرى – «قازاقستان ءاليۋمينيى» اق-عا باردى. بۇل دايىن اليۋميني وندىرىسىنە قاجەتتى شيكىزات شىعاراتىن جالعىز زاۋىت. جىلىنا 1,4 ملن توننا ءونىم وندىرەدى. بۇگىنگى تاڭدا مۇندا 8 مىڭعا جۋىق ادام ەڭبەك ەتۋدە.

ايتا كەتۋ كەرەك, زاۋىت وندىرەتىن ءونىمنىڭ 60 پايىزى شەتەلگە جونەلتىلەدى. قالعان ءونىم ىشكى نارىقتا قالادى. نەگىزگى تۇتىنۋشى – دايىن اليۋميني وندىرەتىن قازاقستان ەلەكتروليز زاۋىتى.

ءماجىلىس دەپۋتاتى دينارا شۇكىجانوۆانىڭ ايتۋىنشا, ەلىمىزدەگى ونەر­كاسىپ سالاسىندا ورتاق ماسەلە بار. ء«وندىرىس ورىندارىنىڭ الدىندا بىر­دەي كەد­ەر­گىلەر تۋىنداپ وتىر. وتاندىق ءونىمدى ەكسپورتتاۋ, قۇرال-جابدىق­تار­دىڭ شا­مادان تىس قىمبات بولۋى, كادر تاپشىلىعى سياقتى ماسەلەلەر بار. بۇل ول­قى­لىقتاردىڭ ورنىن جۇيەلى تۇردە تولتىرۋ قاجەت», دەدى د.شۇكىجانوۆا.