بۇگىن, 25 تامىزدا استانا سوتى كەنتاۋ قالاسىنىڭ بۇرىنعى اكىمى راشيد ايۋپوۆقا قاتىستى ۇكىم شىعاردى, دەپ حابارلايدى Egemen.kz.
استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى راشيد ايۋپوۆتى قر قىلمىستىق كودەكسىنىڭ 1997 جىلعى وزگەرتۋلەرىمەن 177-باپ (الاياقتىق), 4-ءبولىمى, ب تارماعىندا كوزدەلگەن قىلمىستى جاساعانى ءۇشىن كىنالى دەپ تانۋ تۋرالى ۇكىم شىعاردى. قىلمىستىق جاۋاپتىلىققا تارتۋدىڭ ەسكىرۋ مەرزىمىنىڭ وتۋىنە بايلانىستى وسى باپ بويىنشا قىلمىستىق جاۋاپتىلىقتان بوساتىلادى.
«راشيد ايۋپوۆ قر قىلمىستىق كودەكسىنىڭ 1997 جىلعى وزگەرتۋلەرىمەن 312 بابى, 5-بولىگى (پارا بەرۋ) جانە 28-باپتىڭ 4-بولىگى وسى باپ بويىنشا 10 جىلعا باس بوستاندىعىنان ايىرۋ جازاسىن قاۋىپسىزدىگى ورتاشا مەكەمەدە وتەۋ تاعايىندالسىن. قر قىلمىستىق كودەكسىنىڭ 1997 جىلعى وزگەرتۋلەرىمەن 41-باپ, 3-بولىگى نەگىزىندە جەتى جىل مەرزىمگە مەملەكەتتىك قىزمەتتە لاۋازىمداردى اتقارۋ قۇقىعىنان ايىرۋ تۇرىندەگى قوسىمشا جازا تاعايىندالسىن», دەدى سۋديا قاجىمۇحان مەكەمتاس.
سونداي-اق راشيد ايۋپوۆتان 1911 تەڭگە سوماسىندا ءىس جۇرگىزۋ شىعىنى, وعان قوسا سىبايلاس جەمقورلىق قىلمىستار ناتيجەسىندە الىنعان 422 ملن 800 مىڭ تەڭگە مەملەكەت كىرىسىنە ءوندىرىلدى.