كۇنباعىس جايقالىپ تۇر

انىقتاعانىمىزداي, بۇل ەگىس­تىك القابىنىڭ يەسى «نۇرگەلدى» اۋىل ­شارۋاشىلىعى وندىرىستىك كووپە­راتيۆىنىڭ يەسى مۇحتار توي­قىل­دى ەسىمدى قانداسىمىز بولىپ شىقتى. قىتايدىڭ التاي اي­ماعىنان 2005 جىلى اتاجۇرتقا ورال­عان ول العاشىندا 1-2 گەكتار جەر تەلىمىن الىپ, كارتوپ ەگىپ, سو­دان تۇسكەن ءونىمدى ساۋدالاپ, بۇ­يىر­عان ريزىعىن كورىپ جۇرگەن ەكەن.

ءسويتىپ, وتكەن جىلى مەم­لەكەت­تىڭ كاسىپكەرلىكتى قولداۋ كار­تاسى اياسىندا 1,5 مىڭ گەكتار ال­قاپتى يگەرۋگە قول جەتكىزىپ, وعان جوڭىشقا, كۇنباعىس, قاربىز ەگۋ­گە بەل شەشە كىرىسەدى. ەگىستىك القا­بىنا سۋ كوزى شار سۋ قويماسى ارقى­لى كەلەدى. ونى مۇحتاردىڭ مۇرىن­دىق بولۋىمەن جۇمىسشى ازامات­تار ءتۇرلى تاسىلمەن جۇيەكتەرگە جىبەرەدى.

قولدا باردى ۇقساتىپ, بۇيىرعان جەردى جايقالتقان ديقاننىڭ ايتۋىنشا, كۇتىپ-باپتاۋدىڭ ءجونىن بىلگەن ادامعا جەر-انانىڭ بەرەر نەسىبەسى مول.

– كۇنباعىس القابىنان 20-25 تسەنت­نەر ءونىم الارمىز دەپ وتىر­مىن. قاربىزدان 30 توننا شا­ماسىندا شىعىپ قالاتىن سىڭاي­لى. ەكشەي قاراعاندا 400-500 ملن تەڭگەنىڭ ءونىمىن الۋ جولىندا تىن­باي ەڭبەكتەنىپ جاتىرمىز. ارينە, جۇمىس وڭاي ەمەس. بىراق جۇ­مىس­شىلارىمنىڭ دا جاعدايىن جا­ساۋعا تىرىسىپ جاتىرمىن. جالاقىلارى – 300 مىڭ تەڭگە كولە­مىن­دە. كەلەشەكتە بىرتىندەپ باسپانامەن دە قامتىپ, ىنتالاندىرىپ وتىرۋ نيەتىم بار. قازىرگى ۋاقىتتا تۇراقتى 15-20 ادام جۇمىس ىستەپ ءجۇر. ودان وزگە اۋدان ومىرىندە بولىپ جاتاتىن ەلدىك ماقساتتاعى ىس­تەرگە ۇلەس قوسىپ, الەۋمەتتىك از قام­تىلعان وتباسىلارعا دا قولۇش­ىن بەرىپ جۇرەمىن, – دەيدى ديقان.

مۇحتار تويقىلدىنىڭ «نۇر­كەل­دى» اۋىل شارۋاشىلىعى وندى­رىس­تىك كووپەراتيۆى جوڭىشقا ءوسىرۋ جوباسىن دا جوسپارلاپ وتىر. قۇنى 6,2 ملرد تەڭگەنى قۇرايتىن جوبا اياسىندا 2024 جىلعا دەيىن جوڭىشقا ءوندىرۋ زاۋىتىن سالۋ­دى جۇزەگە اسىرماق. جالپى, جەردى يگەرۋ ماقساتىندا 7 ملرد كولە­مىندە ينۆەستيتسيا تارتىپ, ۇلكەن ىسكە تاۋەكەل ەتكەن ازاماتتىڭ بەت­بۇرىسى وتە اۋقىمدى. 500 گەكتار اۋماققا جوڭىشقا سالعان ول «قال­باتاۋدىڭ جەرى تاستاق, قاربىز شىق­پايدى» دەگەندەردىڭ دە ءسوزىن تە­رىسكە شىعارىپ, تاڭعالدىرىپ وتىر.

اباي وبلىسى