بۇگىن «قازمۇنايگاز» ۇك» اق اكتسيونەرلەرى كەزەكتەن تىس جالپى جينالىس وتكىزدى. جيىن قورىتىندىسى بويىنشا ەرنات بەردىعۇلوۆ قمگ ديرەكتورلار كەڭەسىنىڭ توراعاسى بولىپ سايلاندى, دەپ حابارلايدى Egemen.kz.
وسىعان دەيىن Whiteshield Partners كومپانياسىندا جوبالار جەتەكشىسى, سونداي-اق «سامۇرىق-قازىنا» اق-دا ستراتەگيا, تۇراقتى دامۋ جانە تسيفرلاندىرۋ جونىندەگى بىرلەسكەن باسقارۋشى ديرەكتور رەتىندە قىزمەت ەتتى. قازىرگى ۋاقىتتا «سامۇرىق-قازىنا» اق-نىڭ ستراتەگيا جانە اكتيۆتەردى باسقارۋ جونىندەگى باسقارۋشى ديرەكتورى قىزمەتىن اتقارادى.
قمگ ديرەكتورلار كەڭەسىنىڭ بۇرىنعى توراعاسى, تاۋەلسىز ديرەكتور كريستوفەر ۋولتون قمگ كورپوراتيۆتىك باسقارۋ كودەكسىنە سايكەس, 9 جىلدان استام ۋاقىت تاۋەلسىز ديرەكتور رەتىندە ۇلتتىق كومپانيانىڭ ديرەكتورلار كەڭەسىنىڭ قۇرامىندا بولعاندىقتان كەڭەس قۇرامىنان شىقتى.
قمگ ديرەكتورلار كەڭەسىنىڭ مۇشەلەرى ە.م.وتىنشيەۆ, ۇ.س.قارابالين, م.م.مىرزاعاليەۆ, ا.س.جۇباەۆ, ا.ءا.ارعىنعازين, ف.م.حوللاند قايتا سايلاندى. سونداي-اق اكجج ناتيجەسى بويىنشا قمگ دك قۇرامىنا مىڭشاريپوۆا سايا نايمانبايقىزى تاۋەلسىز ديرەكتور بولىپ سايلاندى.