قارجى جانە بيۋدجەت كوميتەتىنىڭ توراعاسى قايرات يششانوۆ باستاعان سەنات دەپۋتاتتارى حالىقارالىق ۆاليۋتا قورىنىڭ قازاقستانداعى ميسسياسىنىڭ وكىلى – تاياۋ شىعىس جانە ورتالىق ازيا ەلدەرى دەپارتامەنتى ديرەكتورىنىڭ ورىنباسارى داۆيد وۋەنمەن كەزدەستى.
الەمدىك قارجى داعدارىسىن ەڭسەرۋدەگى حالىقارالىق ۆاليۋتا قورىنىڭ بەلسەندى ءرولىن اتاپ وتە كەلىپ, ق.يششانوۆ قازاقستان مەن وسى حالىقارالىق قۇرىلىمنىڭ ءوزارا ءىس-قيمىلىنىڭ ماڭىزىنا توقتالدى. قازاقستان ەكونوميكاسى الدىندا تۇرعان ماسەلەلەردى زاڭنامالىق تۇرعىدا قامتاماسىز ەتۋ جايىنا قاتىستى ق.يششانوۆ قارجى-نەسيە جانە ۆاليۋتا ساياساتىن جەتىلدىرۋ شارالارى مەن بيىلعى جىلدىڭ بيۋدجەت كورسەتكىشتەرىن ناقتىلاۋ جونىندە ايتتى.
د.وۋەننىڭ ايتۋىنشا, “ەكونوميكانىڭ تۇتاستاي جانە جەكەلەگەن سالالارىن” جۇيەلى جانە جەدەل تۇردە “مەملەكەتتىڭ قولداۋى قازاقستان ۇكىمەتىنە باسقا ەلدەردىڭ ەكونوميكاسى تاپ بولعان كۇردەلى ءماسەلەلەردى جىلدام شەشۋگە مۇمكىندىك بەردى”. كەزدەسۋگە قاتىسۋشىلار حالىقارالىق ۆاليۋتا قورىنىڭ تەحنيكالىق كومەك بەرۋ مەن وقىتۋعا قاتىستى جۇمىستارى تۋرالى ماسەلەلەردى دە تالقىلادى, دەپ حابارلادى پارلامەنت سەناتىنىڭ ءباسپاسوز قىزمەتى.