قالامگەر مۇراسىن ناسيحاتتاعان وقۋشىلار

تۇلعا اتىن وشىرمەي كەيىنگىگە دا­رىپ­­تەپ جۇرگەن ارىپتەسىمىز قاجەت انداس­­تىڭ ۇيىمداستىرۋىمەن اكەسى ان­­داس وماراقىننىڭ وقۋلارى ءوز دەڭ­گە­­يىن­دە ورنەك تاپتى. اتالعان باي­قاۋ­عا قا­­تىسقان ايماق وقۋشىلارى كىل جۇي­­رىك­­تەن كىم جۇيرىك ەكەنىن ءوزارا انىق­تاستى.

مەكتەپ جەتكىنشەكتەرى اراسىنداعى دودا ۆ.ماياكوۆسكي اتىنداعى تالدى­قورعان قالالىق كىتاپحاناسىندا شىمىل­دىق ءتۇردى. يگى ءىستىڭ وتۋىنە وبلىستىق ءبىلىم باسقارماسى مەن ء«Jetىsý» گازەتى, «قازپوشتا» اق الماتى وبلىستىق فيليالى جانە انداس وماراقىن وتباسى مۇرىندىق بولدى.

بايقاۋ بارىسىندا العاشقى بولىپ ء«Jetىsý» گازەتى باس رەداكتورىنىڭ ورىنباسارى ءمادي الجانباي ءسوز الىپ, سايىسقا قاتىسۋشىلارعا ساتتىلىك تىلە­دى. ءوز كەزەگىندە «قازپوشتا» اق الماتى وبلىستىق فيليالى ديرەكتورىنىڭ ورىنباسارى بولاتحان ەرجىگىتوۆ لەبى­زىن ءبىلدىردى. سونىمەن قاتار «پاراسات» وردەنىنىڭ يەگەرى اۋەسحان ماجاي­قىزى قۇراستىرعان «انداس وماراقىن وقۋ­لارى» اتتى جيناقتىڭ تۇساۋكەسەر ءراسىمى ءوتتى.

«انداس وماراقىن وقۋلارى» باي­قاۋى جارتى جىل بويى ونلاين جۇر­گىزىلىپ كەلگەن بولاتىن. وبلىس كولە­مىندە ءبىلىم سايىسىنا 30-دان استام وقۋشى قاتىستى. بارلىق تاپسىرمالار­دى تولىق ءارى ساپالى ورىنداعان 18 وقۋ­شى شەشۋشى سىنعا جولداما الىپ,  قازىلار الدىندا ءبىلىم-بىلىگىن كورسەتتى.

وقۋشىلار تەست سۇراقتارى, جازبا اقىندار, ولكەتانۋشىلار, ايتىس اقىندارى سىندى 4 باعىت بويىنشا بەرىلگەن تاپسىرماعا ساي باعالاندى. قورىتىندى بايقاۋدا جازبا اقىندار انداس وماراقىننىڭ ولەڭىن وقىسا, ول­كە­تانۋشىلار عىلىمي جۇمىسىن قور­­عادى, ايتىسكەرلەر ءسوز سايىسىنا ءتۇس­تى. ناتيجەسىندە, جازبا اقىندار ارا­سىن­دا ارايلىم جاناحمەت, ولكە­تانۋ­شى­لار باعىتى بويىنشا جانەل جۇ­ما­عالي, ايتىسكەرلەر اراسىندا ۇلان نۇربول ءى ورىن يەگەرى دەپ تانىلدى. العىر­لى­عىمەن تانىلعان قاتىسۋشىلار كىتاپ, العىسحات, قوماقتى قارجىمەن ماراپاتتالدى.

جالپى, اتالعان بايقاۋدىڭ وتۋىنە دەمەۋشىلىك كورسەتىپ وتىرعان ارىپ­تەسىمىز قاجەت انداستىڭ وتباسى جارتى جىل كولەمىندە وتكەن ءىس-شاراعا 6,5 ميل­ليون تەڭگەدەن استام قاراجات بول­گەن ەكەن. بايقاۋدى ءداستۇرلى تۇردە رەسپۋب­ليكالىق دەڭگەيدە وتكىزۋ جوسپارلانىپ وتىر.

جەتىسۋ وبلىسى