الماتىدا جاۋىن-شاشىن سالدارىنان المالى جانە ناۋرىزباي اۋداندارىنىڭ اۋماعىن سۋ باستى, دەپ حابارلايدى Egemen.kz.
«المالى اۋدانىنا ءتيىستى ۋچاسكەدە جۇرگىزىلىپ جاتقان جول جوندەۋ جۇمىستارى مەن جيەكتاستاردا جاڭبىر سۋىن ارىق جەلىسىنە جىبەرەتىن ساڭىلاۋلاردىڭ ۋاقىتشا بولماۋىنا بايلانىستى قىسقامەرزىمدى سۋ باسۋ دەرەگى انىقتالدى. جوندەۋ جۇمىستارى اياقتالعان سوڭ جيەكتاستاردا ساڭىلاۋلار جاسالادى. ناۋرىزباي اۋدانىنىڭ اكىمدىگى «الما سيتي» تۇرعىن ءۇي كەشەنىندە سۋ باسۋ دەرەگىن جويۋ بويىنشا جەدەل جۇمىس جۇرگىزدى. ساعات 18.50-دە «RBS دورستروي» جشس مەردىگەرلىك ۇيىمى مەن قىزمەت كورسەتەتىن كومپانيانىڭ كۇشىمەن سۋ باسۋ دەرەگى جويىلدى. قازىر كوشە جەلىلەرىنە قوسۋ ارقىلى تك اۋماعىنان سۋ بۇرۋ ماسەلەسى پىسىقتالىپ جاتىر», دەپ حابارلادى اكىمدىكتەن.
جالپى, «قازسەلدەنقورعاۋ» مەكەمەسىنىڭ مالىمەتى بويىنشا تاۋ وزەندەرى بويىنشا جاعداي تۇراقتى. سۋ باسۋ دەرەگى انىقتالعان ۋچاسكەلەردە اۋدان اكىمدىكتەرىنىڭ كوممۋنالدىق قىزمەتتەرى جۇمىسىن جۇرگىزىپ جاتىر.