جازعى دەمالىسىن قىزىقتى وتكىزۋ ءار بالاعا ماڭىزدى. اسىرەسە ءوزى قاتارلاس دوستارىمەن بىرگە قىرعا شىعىپ, ارنايى اشىلعان دەمالىس لاگەرلەرىندە بولىپ قايتقاننان اسقان باقىت جوق. الاكول جاعاسىنداعى ء«ۇرجارايىم» بالالاردىڭ دەمالىس ورنىندا اباي وبلىسىنىڭ ءار اۋدانىنان وقۋشىلار ون كۇنگە كەلىپ, تىنىعىپ قايتادى. ولار – نەگىزىنەن كوپ بالالى وتباسىلاردان شىققان, پاندىك وليمپيادالاردا, ءبىلىم سايىستارىندا توپ جارعان وقۋشىلار.
جالپى العاندا اباي وبلىسىندا بالالارعا ارنالعان 12 ساۋىقتىرۋ لاگەرى بار.
– ءبىزدىڭ لاگەر 15 ماۋسىمدا اشىلدى. 6 ماۋسىم بويىنشا مۇندا دەمالۋعا 620 بالا قامتىلىپ وتىر. 600 بالا «قازاقستان حالقىنا» قورىنىڭ ەسەبىنەن دەمالادى. 20 بالا مەملەكەتتىك قىزمەت كورسەتۋ ماقساتى بويىنشا كەلەدى. بارلىعىنىڭ دا ۋاقىتىن قىزىقتى وتكىزۋگە باسا ءمان بەرەمىز. تاۋلىگىنە التى مەزگىل تاماقتانادى, ەكى رەت ەمدىك قاسيەتى بار الاكولگە شومىلادى. بارلىعى ءجىتى قاداعالاۋىمىزدا. دەمالتىپ قانا قويماي, پاتريوتتىق ءىس-شارالار, ءارتۇرلى ونەر سايىستارىن ۇيىمداستىرامىز. ون كۇندىك ماۋسىمنىڭ ارقايسىسى بويىنشا 120 بالا دەمالىپ قايتادى. قازىرگى ءتورتىنشى ماۋسىمدا بورودۋليحا, بەسقاراعاي, اياگوز جانە ءۇرجار اۋداندارىنىڭ بالالارى ءجۇر, – دەيدى ء«ۇرجارايىم» ساۋىقتىرۋ لاگەرىنىڭ اعا تالىمگەرى دينا دوسانقىزى.
ءۇرجار اۋدانى اقجار اۋىلىنان كەلگەن 8-سىنىپ وقۋشىسى گۇلنۇر راقىشەۆا وسى لاگەرگە كەلگەنىنە ەرەك- شە قۋانىشتى.
– ءار كۇنىمىز قىزىقتى ءوتىپ جاتىر دەپ ايتۋعا بولادى. كەشە ۆولەيبول ويناساق, بۇگىن دويبى ويناماقپىز. ءوزىم بيگە, ءان ايتۋعا جاقىنمىن. كەشكە «ەكى جۇلدىز» بايقاۋى وتەدى. سوعان تالىمگەرىممەن بىرگە «بەتپەردە» انىمەن قاتىسۋعا ىنتالانىپ وتىرمىن, – دەيدى جۇزىنەن قۋانىشتىڭ لەبى ەسكەن گۇلنۇر.
وسىناۋ ساۋىقتىرۋ لاگەرىندە 16 دەمالىس ورنى قامتىلعان. ارقايسىندا 12 بالا ءبىر تالىمگەرىمەن جايعاسقان. بالالاردىڭ قىزىقتى دا الاڭسىز دەمالۋىنا قاۋىپسىزدىك, ساقتىق شارالارى باقىلاۋعا الىنعان.