جازدىڭ سوڭعى ايى دا جىلىستاپ بارادى. بۇل مەزەتتى ەستەن كەتپەستەي ەتىپ وتكىزگەنگە نە جەتسىن؟..
كوكسۋ اۋدانىندا اكىممەن سەرۋەن اكتسياسى ءوتىپ جاتىر. كوكسۋلىقتار اۋدان باسشىسى مارلەن كولباەۆپەن بىرگە تاڭبوزىنان جاتتىعۋ جاساپ, ءتۇرلى ءىس-شاراعا قاتىسىپ كەلەدى.
كورسە كوڭىل شالقيتىن كوكسۋ اۋدانىنىڭ تۇرعىندارى جازدىڭ ءار كۇنىن اۋدان اكىمىمەن بىرگە وتكىزىپ ءجۇر. ەرتەمەن اۋدان ستاديونىنا جينالعان ارداگەرلەر مەن سپورتشىلار, ودان بولەك وقۋشىلار مەن جاسوسپىرىمدەر م.كولباەۆپەن بىرگە بىرنەشە شاقىرىم جول جۇرەدى. بۇل سالاماتتى ءومىر سالتىن ساقتاۋدا تاپتىرماس ءادىس ەكەنى انىق.
«اۋدان باسشىسىنىڭ بۇل يگىلىكتى ءىسى تۇرعىنداردىڭ ىستىق ىقىلاسىنا يە بولدى. ءارى جاستارعا ۇلكەن موتيۆاتسيا. بىرىنەن ءبىرى وتەتىن ءىس-شارالار ۇيىمداستىرىپ كەلەدى. حالىق تا ءبىر ۋاقىت رۋحاني دەمالىپ, كوڭىلدەرى كوتەرىلىپ قالدى», دەيدى الماتىدان قوناققا كەلگەن ءاسيا ارمانقىزى.
حالىقتىڭ بوس ۋاقىتىن ءتيىمدى ۇيىمداستىرۋ ماقساتىندا مادەنيەت ءۇيىنىڭ الدىندا وتاندىق جانە شەتەلدىڭ ۇزدىك فيلمدەر مەن مۋلتفيلمدەر ۇزدىكسىز كورسەتىلىپ وتىر. قوڭىر ءتۇننىڭ سامالىمەن اشىق اسپان استىندا ۇلكەن ەكراننان كينو كورگەن كوكسۋلىق جاستاردىڭ كوڭىلى شات. سول ماڭعا جينالعان جەتىسۋلىقتارعا تەگىن قاربىز بەن بالمۇزداق ۇسىنىلىپ, ارنايى ۆيكتورينالار ويناتىلادى. ءتىپتى سىيلىقتار دا تابىستالادى. سودان سوڭ بي كەشى باستالادى.
ءار اپتانىڭ دۇيسەنبى, سارسەنبى جانە جۇما كۇندەرى ب.وڭعاروۆ اتىنداعى ورتالىق ستاديوندا اكىممەن كەشكى سەرۋەندەۋىڭىزگە بولادى. بۇل ءىس-شارا ايدىڭ اياعىنا دەيىن جالعاسىن تاپپاق. قاتىسۋشىلارعا تولىق 10 000 قادام جۇرگەنشە توقتاۋ جوق, اكىممەن كەز كەلگەن تاقىرىپتا اڭگىمەلەسۋگە بولادى.