بۋرابايداعى «الماتى» قوناق ءۇيىنىڭ عيماراتىنان ءورت شىعىپ, 106 ادام ەۆاكۋاتسيالاندى, دەپ حابارلايدى Egemen.kz تجم ءباسپاسوز قىزمەتىنە سىلتەمە جاساپ.
«بۋراباي كەنتىندە 106 ادام قۇتقارىلىپ, ەۆاكۋاتسيالاندى. 6 تامىزدا ساعات 11:59-دا اقمولا وبلىسىنىڭ بۋراباي كەنتىندەگى ءورت تۋرالى حابارلاما كەلىپ ءتۇستى. ءورت ءسوندىرۋ بولىمشەلەرى بارىپ, 3 قاباتتى «الماتى» قوناق ءۇيىنىڭ عيماراتىندا 2-قاباتتاعى سەرۆەر بولمەسىندە ءورت انىقتالدى. اقمولا وبلىسى تجد ءورت ءسوندىرۋشى-قۇتقارۋشىلارى ءۇش تىزە باسپالداقتىڭ كومەگىمەن 6 ادامدى قۇتقارىپ, 100 ادامدى, ونىڭ ىشىندە 25 بالانى ەۆاكۋاتسيالادى. زارداپ شەككەندەر جوق», دەلىنگەن حابارلامادا.