سارسەنبى كۇنى ەلدەگى اپتاپ ىستىققا بايلانىستى مەملەكەتتىك مەكەمەلەردىڭ قىزمەتكەرلەرىنە ەكى كۇندىك دەمالىس جاريالاندى. بۇل تۋرالى يران ۇكىمەتىنىڭ ءباسپاسوز حاتشىسى ءالي باحادوري چەحرومي الەۋمەتتىك جەلىدەگى پارقشاسىندا حابارلادى, دەپ جازادى Egemen.kz.
يران مەملەكەتى سارسەنبى كۇنى كاسىپورىندار مەن مەملەكەتتىك مەكەمەلەردى ەكى كۇنگە دەمالىسقا جىبەردى. بۇعان اپتاپ ىستىق سەبەپ بولدى. ەلدە 40 گرادۋس جانە ودان جوعارى اۋا تەمپەراتۋراسى تىركەلدى.
ەلدىڭ دەنساۋلىق ساقتاۋ ءمينيسترى اپتاپ ىستىق حالىق دەنساۋلىعىنا كەرى اسەر ەتەتىنىن ەسكەرتتى.
«مينيسترلەر كەڭەسى دەنساۋلىق ساقتاۋ مينيسترلىگىنىڭ وسى كۇندەرى بۇرىن-سوڭدى بولماعان اپتاپ ىستىققا بايلانىستى ازاماتتاردىڭ دەنساۋلىعىن ساقتاۋ ماقساتىندا ەلىمىزدىڭ بارلىق اۋماعىندا سارسەنبى جانە بەيسەنبى كۇندەرى دەمالۋ تۋرالى ۇسىنىسىن قابىلدادى», دەپ جازدى يران ۇكىمەتىنىڭ ءباسپاسوز حاتشىسى ءالي باحادوري دجاحرومي.
ايتا كەتەيىك, ەرتەڭ يراننىڭ وڭتۇستىك-باتىسىنداعى كەيبىر قالالاردا اۋا تەمپەراتۋراسى 51 گرادۋسقا جەتەدى دەپ بولجانىپ وتىر. ەل استاناسى تەگەراندا 40 گرادۋس ىستىق بولۋى مۇمكىن.