بۇگىندە شىمكەنت قالاسىندا 36 مىڭنان استام ازامات اۆتوكولىك سالىعىن تولەمەي, جالتارىپ ءجۇر. سالدارىنان شاھار قازىناسى 1,5 ميلليارد تەڭگەگە جۋىق كىرىستەن قاعىلىپ وتىر, دەپ حابارلايدى Egemen.kz qazaqstan ۇلتتىق ارناسىنا سىلتەمە جاساپ.
قوردالانعان قارىزداردى ءوندىرۋ ماقساتىندا شاھاردا ارنايى رەيدتىك تەكسەرىستەر باستالدى.
بەرەشەگىنە قاراماي شىمكەنت كوشەلەرىندە جۇيىتكىپ جۇرگەن اۆتوكولىكتەر وسىلاي جول پوليتسەيلەرىنىڭ قۇرىعىنا ىلىگىپ جاتىر. پوليتسيا دەپارتامەنتىنىڭ جەدەل باسقارۋ ورتالىعى سالىقتان سىتىلىپ كەتكىسى كەلگەندەردى اقپاراتتىق بازا ارقىلى بىردەن انىقتايدى.
سونىمەن قاتار «سەرگەك», «ينتەگرا» جانە «قورعاۋ» جۇيەسى ارقىلى دا ايىپپۇل تولەمەگەندەر قۇرىققا ءىلىنىپ جاتىر. جالپى شىمكەنت قالاسى بويىنشا سالىق دەپارتامەنتىندە 300 مىڭداي اۆتوكولىك تىركەلگەن. ونىڭ 36 مىڭنان استامى وتكەن جىلعى سالىعىن تولەمەگەن.
«سالىق تولەۋشىلەرگە بەرەشەگى بار ەكەندىگى تۋرالى حابارلاما جولدانعان. ولار زاڭعا سايكەس 30 جۇمىس كۇنى ىشىندە ورىنداماسا سالىق بۇيرىعى قالىپتاستىرىلادى. ءارى قاراي ونى دا ورىنداماسا سالىق بۇيرىعى جەكە سوت ورىنداۋشىلارعا جولدانادى. ارى قاراي سالىق ماجبۇرلەپ وندىرىلەدى», دەدى ابباسحان سەيداحمەتوۆ, قالالىق مەملەكەتتىك كىرىستەر دەپارتامەنتىنىڭ باس مامانى.