14 شىلدەدە قىزىلتاۋ اۋىلىنان 12-45 شاقىرىم جەردە اشىق اۋماقتا قۇرعاق ءشوپتىڭ جانىپ كەتتى. جەرگىلىكتى اتقارۋشى ورگانداردىڭ اقپاراتى بويىنشا جانۋدىڭ بولجامدى اۋدانى 800 گا قۇرايدى, دەپ حابارلايدى Egemen.kz پاۆلودار وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتىنە سىلتەمە جاساپ.
ءورت «بگنپپ» رمم اۋماعىنا ءوتتى (دولبا ورمانشىلىعى, 115, 117, 118 كۆارتالدار) جانە سول جەردە 20 گا اۋماقتى قامتىدى.
تجد-نىڭ تارتىلعان كۇشتەرى مەن قۇرالدارىن ەسكەرە وتىرىپ, جانۋدى وقشاۋلاۋعا مۇمكىندىك تۋدى.
«جالپى العاندا, جانۋعا قارسى كۇرەسكە وبلىستىڭ تجد, ورمان شارۋاشىلىعى, ەرىكتى ورتكە قارسى قۇرالىمدار مەن جەرگىلىكتى اتقارۋشى ورگانداردىڭ 130 ادامى مەن 35 تەحنيكاسى قاتىسادى», دەلىنگەن حابارلامادا.
تجد قىزمەتكەرلەرى بارلىق ازاماتتاردى ءورت قاۋىپسىزدىگى ەرەجەلەرىن ساقتاۋعا شاقىرادى. ءورت انىقتالعان جاعدايدا ول تۋرالى شۇعىل قىزمەتتىڭ ءنومىرى بويىنشا نەمەسە جاقىن جەردەگى ءورت ءسوندىرۋ بولىمىنە دەرەۋ حابارلاڭىز.