2010 جىلعى 3 ماۋسىمدا اقوردادا قازاقستان رەسپۋبليكاسى پرەزيدەنتىنىڭ كومەكشىسى – قاۋىپسىزدىك كەڭەسىنىڭ حاتشىسى مارات ءتاجيننىڭ توراعالىعىمەن قازاقستان رەسپۋبليكاسى قاۋىپسىزدىك كەڭەسىنىڭ جانىنداعى ساراپشىلار كەڭەسىنىڭ وتىرىسى بولدى.
كۇن ءتارتىبى قازاقستان رەسپۋبليكاسىنىڭ اقپاراتتىق قاۋىپسىزدىگى تۋرالى, كولىك قاۋىپسىزدىگىنىڭ جاي-كۇيى جانە ونى قامتاماسىز ەتۋ جونىندەگى شارالار تۋرالى جانە قازاقستاننىڭ ترانزيتتىك الەۋەتىنە تونەتىن قاتەرلەر تۋرالى ءماسەلەلەردى قاراستىرۋدى قامتىدى.
ساراپشىلار اقپاراتتىق قاۋىپسىزدىك سالاسىنداعى جاھاندىق ءۇردىستەرگە بايلانىستى سىناقتار مەن پروبلەمالاردى اتاپ ايتتى. ولاردىڭ پىكىرىنشە, اقپاراتتىق قاۋىپسىزدىكتىڭ ماڭىزدى ءبىر قىرى اقپاراتتىق رەسۋرستاردى نىعايتۋ جانە دامىتۋ, ولاردىڭ ىشكى مازمۇنىن كۇشەيتۋ, سونداي-اق قازاقستاننىڭ كيبەرنەتيكالىق قاۋىپسىزدىگىن قامتاماسىز ەتۋ بولىپ تابىلادى. پىكىرتالاس بارىسىندا ساراپشىلار مەملەكەتتىڭ وتاندىق مەديا-يندۋستريانى, سپۋتنيكتىك, تسيفرلىق تەلە جانە راديو حابارلارىن تاراتۋدى, ينتەرنەت جەلىسىنىڭ قازاقستاندىق سەگمەنتىن دامىتۋدى ىنتالاندىرۋدىڭ ماڭىزدىلىعىن ايرىقشا اتاپ كورسەتتى.
وتىرىستا كولىك قاۋىپسىزدىگىن قامتاماسىز ەتۋدەگى كەشەندى كوزقاراس پروبلەماسىنا ەرەكشە كوڭىل ءبولىندى. قازاقستان قوعامىنىڭ تۇرلاۋلى قىزمەت ەتۋىنىڭ اسا ماڭىزدى ءبىر قىرى ەلدىڭ كولىك-كوممۋنيكاتسيالىق ينفراقۇرىلىمىن دامىتۋ بولىپ تابىلادى. كولىك قاۋىپسىزدىگى وسى زامانعى گەوساياسي جاعدايلاردا مەملەكەتتىك ءمۇددەلەردى ۇزاق پەرسپەكتيۆادا قامتاماسىز ەتۋ ماسەلەسى بولىپ تابىلادى.
ساراپشىلىق باعالاۋلارعا ءسايكەس قازاقستاننىڭ زور وتكىزۋ رىنوگى بار مەملەكەتتەرمەن كورشى بولۋى شىعىستى باتىسپەن, سولتۇستىكتى وڭتۇستىكپەن جالعاستىراتىن ماڭىزدى گەوەكونوميكالىق ءوڭىر رەتىندە قازاقستاندىق ترانزيت الەۋەتىن الدەقايدا ارتتىرا تۇسەدى. عالىمدار وتاندىق كولىك ينفراقۇرىلىمى مەن كولىك-لوگيستيكا جۇيەسىن جەدەل دامىتۋ مەن جاڭعىرتۋدىڭ, سونداي-اق قازاقستاننىڭ ترانزيتتىك الەۋەتىنە تونەتىن قاتەرلەردى بەيتاراپتاندىرۋ قاجەتتىگىن اتاپ كورسەتتى.
وتىرىستى قورىتىندىلاي كەلە ساراپشىلار كەڭەسىنىڭ توراعاسى م.م.ءتاجين ەلدىڭ اقپاراتتىق جانە كولىك قاۋىپسىزدىگىن قامتاماسىز ەتۋ پروبلەماسىنا جان-جاقتى جانە كەشەندى تالداۋ جاساۋ قاجەتتىگىن, قازاقستاننىڭ ترانزيت الەۋەتىن ءتيىمدى دامىتۋدىڭ, سونداي-اق عىلىمي-ساراپشىلىق قاۋىمداستىقتىڭ وسى ماسەلەلەر بويىنشا ناقتى ۇسىنىستار ءازىرلەۋىنىڭ ماڭىزدىلىعىن اتاپ كورسەتتى.
قر قاۋىپسىزدىك كەڭەسىنىڭ جانىنداعى ساراپشىلار كەڭەسى ۇلتتىق قاۋىپسىزدىكتى قامتاماسىز ەتۋ سالاسىندا عىلىمي-ادىستەمەلىك ۇسىنىستار ازىرلەۋ ماقساتىمەن عىلىمي, ساراپشىلىق زەرتتەۋلەر ورىندايتىن عىلىمي-كونسۋلتاتيۆتىك ورگان بولىپ تابىلادى.
جەتەكشى عالىمدار, تالداماشىلار, عىلىمي-زەرتتەۋ ورتالىقتارى مەن ۇكىمەتتىك ەمەس ۇيىمداردىڭ وكىلدەرى كەڭەستىڭ مۇشەلەرى بولىپ تابىلادى.
ساراپشىلار كەڭەسىنىڭ تالقىلاۋى بارىسىندا كۇن ءتارتىبىنىڭ ماسەلەلەرى بويىنشا ۇسىنىمدار بەرىلدى. ولار قازاقستان رەسپۋبليكاسى قاۋىپسىزدىك كەڭەسىنىڭ جانە قر قك-ءنىڭ ۆەدومستۆوارالىق كوميسسيالارىنىڭ جۇمىسىندا پايدالانىلاتىن بولادى.
قازاقستان رەسپۋبليكاسى قاۋىپسىزدىك كەڭەسىنىڭ حاتشىلىعى.