شاھار شەجىرەسى

استانا – تالاي ءداۋىردى باس­­تان كەشكەن كونە قالالار­دىڭ جالعاسى. مۇندا بابا­لارىمىزدىڭ ءجۇرىپ وتكەن جولى جاتىر. ەڭسەلى عيما­رات­تار مەن ءزاۋلىم نىساندار كوز تارتقانىمەن, تەرەڭىنە بويلاساڭىز شەجىرەلى دەرەك­تەر مەنمۇندالايدى. ەركىن­دىكتىڭ ەملەسىندە ەركە شاھار­دىڭ ءاربىر قالانعان كىرپىشى ازاتتىعىمىزدىڭ باسپالداعى سەكىلدى. ونى استانا قالاسى مەملەكەتتىك ءارحيۆىنىڭ ۇلت­تىق ارحيۆپەن بىرلەسىپ وتكىزگەن «شە­جىرە تۇنعان ەلوردا» اتتى جيى­نىندا اڭعاردىق.

كەزدەسۋ اياسىندا قازىرگى استانا اۋماعىندا ورنالاس­قان ورتاعاسىرلىق بوزوق قالا­شىعىنان باستاپ, اقمولا بەكىنىسى, تسەلينوگراد قالاسى جانە تاۋەلسىزدىك كەزەڭىنە دە­يىنگى استانانىڭ دامۋ تاريحى جازىلعان «يستوريا ستوليتسى كازاحستانا. ماتەريالى ي راسسكازى پو يستوري گورودا» كىتابىنىڭ تۇساۋكەسەرى ءوتتى. سونىمەن قاتار شاراعا جي­نال­عان جاس وقىرماندارعا «شاھار شەجىرەسى» اتتى دەرەكتى كورمە ۇسىنىلدى.

دەرەكتى كورمەنىڭ ەكسپو­­زيتسياسىنا ۇلتتىق ءارحيۆ­تىڭ, استانا قالاسى مەملە­كەت­­تىك ءارحيۆىنىڭ, ورتا­لىق مەم­­­لەكەتتىك كينو­فوتو­قۇ­جات­­تار مەن دىبىس جازبالارى ءارحيۆىنىڭ جانە تۇڭعىش پرە­زيدەنت كىتاپحاناسىنىڭ بىرەگەي ارحيۆتىك قۇجاتتا­رى مەن فوتوماتەريالدارى قو­يىلىپ, قالا تۇرعىندارىنا تۇسىندىرمە جۇمىستارى جۇر­گىزىلدى.

ءىس-شارا بارىسىندا روزا باعلانوۆا اتىنداعى №2 با­لا­لار مۋزىكا مەكتەبىنىڭ ءبىر ­توپ وقۋشىسى «ۇلتتىق دوم­بى­را كۇنىن» دارىپتەۋ ماقسا­تىن­دا بىرقاتار كۇي ورىنداپ, استاناعا ارنالعان جىر-شۋ­ماقتارىن جەتكىزدى. كەلەلى كەزدەسۋ سوڭىندا وقۋشىلار مەن ارحيۆ قىزمەتكەرلەرى ەستەلىك سۋرەتكە ءتۇسىپ, قالانىڭ كورىكتى جەرلەرىن ارالادى.