“نۇر وتان” حالىقتىق-دەموكراتيالىق پارتياسى توراعاسىنىڭ ءبىرىنشى ورىنباسارى نۇرلان نىعماتۋلين نورۆەگيا كورولدىگىنىڭ جانە فينليانديا رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى داگ مالمەر حالۆورسەنمەن جانە ميككو كيننۋنەنمەن كەزدەستى.
كەزدەسۋ كەزىندە نۇرلان نىعماتۋلين قوناقتاردى قازاقستاننىڭ پرەزيدەنتى, پارتيا توراعاسى نۇرسۇلتان نازارباەۆتىڭ پارتيا الدىنا جۇكتەگەن تاپسىرمالارى, پارتيا قىزمەتى, پارتيانىڭ قازاقستان رەسپۋبليكاسى پارلامەنتىندەگى فراكتسياسىنىڭ, بارلىق دەڭگەيدەگى ءماسليحاتتار جۇمىستارى تۋرالى حاباردار ەتتى.
سونداي-اق, الداعى 5 جىلدا ەكونوميكا سالاسىندا باستى ستراتەگيالىق قۇجات سانالاتىن 2010-2014 جىلدارعا ارنالعان قازاقستاننىڭ ۇدەمەلى يندۋستريالىق-يننوۆاتسيالىق دامۋ باعدارلاماسى تۋرالى دا ءسوز بولدى.
ديپلوماتيالىق ميسسيا جەتەكشىلەرى قازاقستاننىڭ, ەلباسى نۇرسۇلتان نازارباەۆتىڭ ورتالىق ازياداعى ساياسي تۇراقتىلىقتى ساقتاۋدا, ەقىۇ كەڭىستىگىندە قاۋىپسىزدىكتى نىعايتۋدا جۇرگىزىپ كەلە جاتقان جۇمىستارىنىڭ ماڭىزدىلىعىن اتاپ ءوتتى.
تاراپتار, سونداي-اق, بولاشاق باعىتتاردى ءسوز ەتە وتىرىپ, الداعى ۋاقىتتا دا قارىم-قاتىناستىڭ جان-جاقتى داميتىنىنا سەنىم ءبىلدىردى.
“ەگەمەن-اقپارات”.