بۇل كۇندەرى ەلوردادا پارا ۆولەيبولدان ازيا چەمپيوناتى ءوتىپ جاتىر. جارىستىڭ ءبىرىنشى كۇنىندە ەلىمىزدىڭ ايەلدەر جانە ەرلەر قۇرامالارى سارى قۇرلىق باسەكەسىندەگى العاشقى ويىندارىن وتكىزىپ, چەمپيوناتتى جەڭىسپەن باستادى.
اتاپ ايتار بولساق, ەرلەر كومانداسى تۇساۋكەسەر كەزدەسۋىندە كۇنشىعىس ەلىنىڭ وكىلدەرىمەن شەبەرلىك بايقاسىپ, جاپونيا ۆولەيبولشىلارىن 3:0 ەسەبىمەن تىزە بۇكتىرسە, ايەلدەر قۇراماسى دا 3:0 ەسەبىمەن ءۇندىستان سپورتشىلارىنان باسىم ءتۇستى. كەشە ەلىمىزدىڭ ايەلدەر قۇراماسى يران سپورتشىلارىمەن كەزدەسسە, ەرلەر كومانداسى بۇگىن يراكپەن ويىن وتكىزەدى.
پارا ۆولەيبولدان ازيا چەمپيوناتى شىلدەنىڭ 8-ىنە دەيىن جالعاسادى. بيىلعى بايراقتى باسەكەگە 9 مەملەكەتتەن (يران, يراك, ءۇندىستان, جاپونيا, كورەيا, قىتاي, موڭعوليا, تايلاند, قازاقستان) 200-گە جۋىق سپورتشى قاتىسىپ جاتىر. جارىس جەڭىمپازدارىنا 2024 جىلعى پاريج پاراليمپياداسىنىڭ جولداماسى بەرىلەدى.