ماجارستاننىڭ پوماز قالاسىندا ۇيىمداستىرىلعان ات ۇستىندە ساداق اتۋ سپورتىنان (جامبى اتۋ) الەم كۋبوگى جارىسى اياقتالدى. قۇرالايدى كوزگە اتقان مەرگەندەر دوداسىنا ەۋروپانىڭ جيىرماعا جۋىق ەلىنەن جانە قازاقستاننان بارعان جۇزگە جۋىق سپورتشى قاتىستى.
جامبى اتۋ بويىنشا ەلىمىزدىڭ ۇلتتىق قۇراماسى جالپىكوماندالىق ەسەپتە توپ جارىپ, باس جۇلدەنى جەڭىپ الدى. اتالعان حالىقارالىق دودادا ەل نامىسىن ەرالحان ايكوز, باقداۋلەت باباجان, باتىر بەكساۋىت, ماديار شارىپباەۆ سىندى مەرگەندەر قورعادى.
سونداي-اق ات ۇستىندە ساداق اتۋ ونەرى جوعارى دارەجەدە دامىعان گەرمانيا, فرانتسيا, فينليانديا, يتاليا, پورتۋگاليا, ماجارستان سياقتى ەلدەردىڭ مەرگەندەرىن تاڭعالدىرعان جەرلەستەرىمىز «كورەي» ءستيلى بويىنشا (ات ۇستىندە ساداق اتۋدا ەڭ قيىن ستيل ءتۇرى) وتكەن سايىستا دا ۇزدىك شىقتى. اتاپ ايتار بولساق, ەرالحان ايكوز – التىن, باتىر بەكساۋىت كۇمىس مەدال الدى. ال «اڭشىلىق ترەك» نىساناسى بويىنشا ماديار شارىپباەۆ كۇمىس جۇلدەنى ەنشىلەدى.