«قازترانسگاز ايماق» اق الماتى وندىرىستىك فيليالىنىڭ قىزمەتىنە جۇرگىزىلگەن تەكسەرۋ بارىسىندا ۇستەم جانە مونوپوليالىق جاعدايدى تەرىس پايدالانۋ فاكتىلەرى انىقتالدى, دەپ حابارلايدى Egemen.kz.
«مونوپوليستتەردىڭ شارتى بويىنشا كاسىپكەرلەر گازدىڭ پايدالانىلماعان كولەمى ءۇشىن گاز قۇنىنىڭ 10 پايىزىن زاڭسىز تولەپ كەلگەن. ۇستەم جانە مونوپوليالىق جاعدايىن تەرىس پايدالانعانى ءۇشىن «قازترانسگاز ايماق» اق فيليالى اكىمشىلىك قۇقىق بۇزۋ تۋرالى كودەكسىنىڭ 159-بابى 3-1-بولىگى بويىنشا جاۋاپقا تارتىلىپ, وعان 497,1 ملن تەڭگە كولەمىندە ايىپپۇل سالىندى», دەپ حابارلادى الماتى قالاسى پروكۋراتۋراسىنىڭ ءباسپاسوز قىزمەتى.
سونىمەن قاتار 2022 جىلى تابيعي مونوپوليا سۋبەكتىسى, كورسەتەتىن قىزمەتتەر كولەمىنىڭ وسۋىنە قاراماستان كومپانيا 2023 جىلعا ارنالعان ءتاريفتى تومەندەتكەن جوق (كورسەتىلگەن قىزمەتتەردىڭ كولەمىنىڭ ۇلعايۋىنا بايلانىستى تاريف قايتا قارالۋى ءتيىس).
«وسىعان وراي, تابيعي مونوپوليالاردى رەتتەۋ دەپارتامەنتىنىڭ قاداعالاۋ اكتىسىمەن وسى جىلدىڭ 1 ساۋىرىنەن باستاپ تاۋارلىق گازدى تاسىمالداۋ ءتاريفىن 6 پايىزعا, 1000 م3 ءۇشىن 4 099,25 تەڭگەدەن 1000 م3 3 848,03 تەڭگەگە دەيىن تومەندەتۋ تۋرالى بۇيرىق شىعارىلدى», دەپ حابارلادى ۆەدومستۆو.
قابىلدانعان شارالار الماتى قالاسىندا 450 000 تۇتىنۋشىنىڭ, ونىڭ ىشىندە 8 800 كاسىپكەردىڭ قۇقىعىن قورعادى.