قۇربان شالۋ دىندەگى ماڭىزدى قۇلشىلىقتاردىڭ ءبىرى. قاسيەتتى قۇراننىڭ «كاۋسار» سۇرەسىندە «تەك راببىڭنىڭ رازىلىعى ءۇشىن ناماز وقىپ, قۇربان شال» دەلىنگەن. ال قارىز الىپ قۇرباندىق شالۋعا بولا ما؟
جاۋاپ: ەگەر ءبىر ادامعا قۇرباندىق شالۋ ءۋاجىپ بولسا, الايدا قاسىندا اقشاسى بولماسا, قارىز الۋى مىندەتتى. ال ەگەر وعان قۇرباندىق شالۋ ءۋاجىپ بولماسا, ءوزى مۇقتاج ادام بولسا, وعان قۇرباندىق شالۋ ءۇشىن قارىز الۋ دۇرىس ەمەس. ويتكەنى اللا تاعالا پەندەلەرىنە شاماسى كەلمەيتىن نارسەنى جۇكتەمەيدى. ول تۋرالى اللا تاعالا قۇراندا بىلاي دەيدى: «اللا ەشبىر جانعا كۇشى جەتەتىنىنەن باسقانى جۇكتەمەيدى».
«قۇرباندىق ءپاتۋالارى» كىتابىنان