قر اقپارات جانە قوعامدىق دامۋ مينيسترلىگىنە قاراستى ءدىن ىستەرى كوميتەتىنىڭ ارنايى جوباسى اياسىندا 2023 جىلدىڭ 12-16 ماۋسىم ارالىعىندا سولتۇستىك قازاقستان وبلىسىندا ءدىن ماسەلەلەرى جونىندەگى رەسپۋبليكالىق اقپاراتتىق-ءتۇسىندىرۋ توبىنىڭ (راتت) قاتىسۋىمەن ءدىني ەكسترەميزمنىڭ تارالۋىن الدىن الۋعا باعىتتالعان سەمينار جانە ءارتۇرلى فورماتتاعى ءىس-شارالار ۇيىمداستىرۋ شەڭبەرىندە قالا تۇرعىندارىمەن بىرقاتار كەزدەسۋلەر وتكىزىلدى, دەپ حابارلايدى Egemen.kz.
اتالعان كەزدەسۋلەرگە راتت مۇشەلەرىنەن (تەولوگتار, ءدىنتانۋشىلار) – ج.ءا. دوليەۆ, م.س. تويعانوۆ, ر.س. سادۋەۆ, ت.گ. وماروۆ, و.ۆ. سينياكوۆ تارتىلدى.
راتت مۇشەلەرىنىڭ قاتىسۋىمەن پەتروپاۆل, سەرگەەۆ قالالارى, قىزىلجار, ع.مۇسىرەپوۆ, شال اقىن اۋداندارى, نوۆويشيمكا اۋىلىنىڭ مادەنيەت ۇيلەرىندە اقساقالدارمەن, جاستارمەن, «قىزىلجار» ورتالىق وبلىستىق جانە «نۇر» قالالىق مەشىتى جاماعاتتارىمەن, ىشكى ىستەر پوليتسيا ءبولىمى قىزمەتكەرلەرىمەن جانە باسقا دا قاتىسۋشىلار اراسىندا سەمينارلار مەن كەزدەسۋلەر وتكىزىلدى.
وتكىزىلگەن ءىس-شارالاردا وبلىس تۇرعىندارىنا قازاقستان حالقىنىڭ مادەنيەتى مەن رۋحاني مۇراسىنا, دەسترۋكتيۆتى جالعان ءدىني جانە راديكالدى يدەيالاردىڭ زياندىلىعىنا باعىتتالعان ءدىن سالاسىنداعى مەملەكەتتىك ساياساتتىڭ ءمانى تۋرالى اقپارات بەرىلدى.
تىڭداۋشىلار تاراپىنان دا راتت مۇشەلەرىنە بىرقاتار سۇراقتار قويىلىپ, ساۋالدارعا تۇجىرىمدى جاۋاپتار الىندى.