تۇران داڭعىلىندا ورتاشا جوندەۋ جۇمىستارى باستالدى, دەپ حابارلايدى Egemen.kz استانا اكىمدىگىنىڭ ءباسپاسوز قىزمەتىنە سىلتەمە جاساپ.
وسىعان بايلانىستى 2023 جىلدىڭ 21-22 ماۋسىم كۇندەرى تۇران داڭعىلى مەن قورعالجىن تاس جولىنىڭ قيىلىسىندا كولىك قوزعالىسى شەكتەلەدى.
سونداي-اق 22 ماۋسىم كۇنى ساعات 21:00-دەن 23 ماۋسىم كۇنى ساعات 12:00-گە دەيىن تۇران داڭعىلى مەن سارايشىق كوشەسىنىڭ قيىلىسىندا كولىك قوزعالىسى تولىعىمەن جابىلادى.
«ەلوردا تۇرعىندارى مەن قوناقتارى قالا جولدارىندا كەپتەلىس تۋدىرماس ءۇشىن قوزعالىس باعىتىن الدىن الا جوسپارلاۋى قاجەت», دەپ حابارلادى اكىمدىك وكىلدەرى.