ۇلتتىق مۋزەيدىڭ بۇرىنعى ديرەكتورى ارىستانبەك مۇحامەدي ۇلىنا قاتىستى سوت ۇكىمى شىقتى, دەپ حابارلايدى Egemen.kz.
ەلورداداعى بايقوڭىر اۋدانى №2 سوتىندا ۇلتتىق مۋزەيدىڭ بۇرىنعى ديرەكتورى ارىستانبەك مۇحامەدي ۇلىنا قاتىستى ۇكىم شىقتى. ول 8 جىلعا سوتتالدى.
ارىستانبەك مۇحامەدي ۇلى بۇرىنعى ورىنباسارى الماز نۇرازحان مەن تاعى ەكى ايىپتالۋشى ازامات كوشەنوۆ پەن ايىم سادۋاقاسوۆا «التىن ادام شەرۋى» كورمەسىن وتكىزۋگە بولىنگەن 221 ميلليون 411 مىڭ 730 تەڭگە قارجى جىمقىردى دەگەن ايىپپەن سوتتالدى.
ەسكە سالا كەتەيىك, ارىستانبەك مۇحامەدي ۇلىنىڭ ءىسى بويىنشا نەگىزگى سوت وتىرىسى 17 ساۋىردە استاناداعى بايقوڭىر اۋدانىنىڭ №2 سوتىندا باستالعان بولاتىن. 5 ماۋسىمدا سىبايلاس جەمقورلىققا قارسى قىزمەت ارىستانبەك مۇحامەدي ۇلىنا قاتىستى «انتيكور» قىزمەتكەرلەرىنە جالا جابۋ فاكتىسى بويىنشا سوتقا دەيىنگى تەرگەپ-تەكسەرۋدى باستايتىنىن مالىمدەدى.
12 ماۋسىمدا وتكەن سوت وتىرىسىندا ايىپتاۋشى تاراپ ارىستانبەك مۇحامەدي ۇلىن 9 جىلعا باس بوستاندىعىنان ايىرۋدى سۇراعان ەدى.