«قازگيدرومەت» سينوپتيكتەرى 2023 جىلدىڭ 17-19 ماۋسىمىنا ارنالعان اۋا رايى بولجامىن جاريالادى, دەپ حابارلايدى Egemen.kz.
«الداعى دەمالىس كۇندەرى قازاقستان اۋماعى وڭتۇستىك تسيكلونى مەن سوعان بايلانىستى اتموسفەرالىق شەپتەردىڭ ىقپالىندا بولادى. ەلدىڭ كوپ بولىگىندە كۇن كۇركىرەپ, وتكىنشى جاۋىن جاۋادى, جەل سوعىپ, بۇرشاق جاۋى مۇمكىن. 18 ماۋسىمدا باتىستا, 18-19 ماۋسىم كۇنى سولتۇستىك-باتىستا نوسەر جاڭبىر جاۋادى, قازاقستاننىڭ وڭتۇستىگىندە شاڭدى داۋىل سوعادى. تەك رەسپۋبليكانىڭ شىعىستاعى بولىگىندە عانا جاۋىن-شاشىن بولمايدى», دەلىنگەن سينوپتيكتەردىڭ حابارلاماسىندا.
«قازگيدرومەت» مالىمەتى بويىنشا, كۇندىزگى اۋا تەمپەراتۋراسى باتىستا +20+28 گرادۋسقا, سولتۇستىك-باتىستا +13+26, سولتۇستىكتە +17+27 گرادۋسقا تومەندەۋى, رەسپۋبليكانىڭ سولتۇستىك-شىعىسى, شىعىسى مەن ورتالىعىندا +30+37 گرادۋسقا دەيىن جوعارىلاۋى ىقتيمال. ال وڭتۇستىك وڭىرلەردە ايتارلىقتاي وزگەرىس بولمايدى.