كەشە الماتىدا قازاقستان, تاجىكستان, وزبەكستان, قىرعىزستان جانە تۇرىكمەنستان ەلدەرى ۇكىمەت باسشىلارى ورىنباسارلارىنىڭ قاتىسۋىمەن روگۋن گەس-ءى قۇرىلىسىنىڭ جوباسى بويىنشا كونسۋلتاتسيالاردىڭ بەسىنشى راۋندى بولىپ ءوتتى.
قازاقستان دەلەگاتسياسىنا پرەمەر-ءمينيستردىڭ ءبىرىنشى ورىنباسارى باقىتجان ساعىنتاەۆ جەتەكشىلىك جاسادى.
كەزدەسۋ تاقىرىبى جاعالاۋ ەلدەرى وكىلدەرى اراسىندا ترانسشەكارالىق سۋ رەسۋرستارىن باسقارۋدىڭ تەتىكتەرىن تالقىلاۋ بولدى.
قاتىسۋشىلار روگۋن گەس-ءى جوباسى بويىنشا دۇنيەجۇزىلىك بانكتىڭ الدىن الا ەسەبىن قاراستىردى. اتاپ كورسەتەتىن جايت, قازاقستان اتالعان ەسەپتى دايىنداۋعا بەلسەندى تۇردە قاتىستى. ەسەپتى دايىنداۋ بارىسى ءوزارا كونسۋلتاتسيالار الماسۋ مەن تالقىلاۋلار جۇرگىزۋ ۇدەرىستەرىمەن ەرەكشەلەندى.
كەزدەسۋ اياسىندا قازاقستان تاراپى بارلىق جاعالاۋ ەلدەرىنىڭ ىنتىماقتاستىق تەتىكتەرىن كۇشەيتۋ بولىگىندە بىرقاتار ۇسىنىستار ءبىلدىردى.
كەلىسسوزدەر قورىتىندىسى بويىنشا تاعى ءبىر كەزدەسۋ وتكىزۋ تۋرالى ۋاعدالاستىققا قول جەتكىزىلدى. وندا دۇنيەجۇزىلىك بانكتىڭ روگۋن گەس-ءى جوباسى بويىنشا قورىتىندى ەسەبى قارالاتىن بولادى, دەپ حابارلادى قازاقستان رەسپۋبليكاسى پرەمەر-مينيسترىنىڭ ءباسپاسوز قىزمەتى.