بيىل ابايداي ۇلى ۇستازدان ءتالىم-تاربيە العان, قازاق ادەبيەتىنىڭ دامۋىنا زور ۇلەس قوسقان قازاق عۇلاماسى, اقىن, فيلوسوف شاكارىم قۇدايبەردى ۇلىنىڭ 165 جىلدىعى مەن ءانشى, بەلگىلى شاكارىمتانۋشى كەلدەنباي ولمەسەكوۆتىڭ 70 جىلدىق مەرەيتويى قاتار كەلدى. وسىعان وراي 26 مامىر كۇنى ا.س. پۋشكين اتىنداعى وبلىستىق كىتاپحانانىڭ ۇيىمداستىرۋىمەن «بۇل ءان بۇرىنعى اننەن وزگەرەك...» اتتى ەسكە الۋ كەشى ءوتتى, دەپ حابارلايدى Egemen.kz.
شاكارىم قۇدايبەردى ۇلى ۇرپاعىنا رۋحاني ازىق بولارلىق مول مۇرا قالدىردى. اتاپ ايتساق, ولەڭ-داستاندار, مىسالدار, ناقىل ءسوز, پروزا, قارا سوزدەر, اۋدارمالار. سونداي-اق اقىننىڭ ارتىندا كوپتەگەن اندەرى دە قالدى. وسى اندەردىڭ جيىرما شاقتىسى ق.كەرىمقۇلوۆ, ا.شاكارىم ۇلى, ن.الداجاروۆتار ارقىلى كەيىنگى ۇرپاققا جەتسە, ودان كەيىنگى كەزەڭدەگى شاكارىمنىڭ ءان مۇرالارىنىڭ ءححى عاسىرعا جەتىپ, ەل ساناسىنا ءسىڭىپ, جادىندا جاتتالۋىنا ەرەكشە ۇلەس قوسقان بىردەن-ءبىر ءانشى – كۇرشىم اۋدانىنىڭ تۋماسى, شاكارىمتانۋشى, قر مادەنيەت قايراتكەرى كەلدەنباي راۋزا ۇلى ولمەسەكوۆ.
كەش قوناقتارى ش.قۇدايبەردى ۇلىنىڭ ءومىرى مەن شىعارماشىلىعىنا بايلانىستى تىڭ دەرەكتەر الىپ, كىتاپحانا قىزمەتكەرلەرى ۇسىنعان كورمەدەن اقىن قالامىنان شىققان كوپتەگەن شىعارمالارىمەن تانىستى. سونىمەن قاتار, ءومىرىن شاكارىمنىڭ مۋزىكالىق مۇرالارىن ىزدەۋگە, ەلگە تانىستىرۋعا ارناعان, وسى ماقساتپەن قازاقتىڭ التايدان اتىراۋعا دەيىنگى ارالىعىن جيىرما جىلدان اسا ۋاقىت ارالاعان, شاكارىم اندەرى دەسە كەز-كەلگەن قازاقتىڭ ەسىنە الدىمەن ەسىمى تۇسەتىن كەلدەنباي ولمەسەكوۆتىڭ شاكارىم اندەرىنىڭ ناسيحاتتالۋى جولىندا اتقارعان ەڭبەگى تۋرالى ايتىلدى.
سونداي-اق ءانشىنىڭ ءومىرى مەن بۇكىل شىعارماشىلىعىنا ارنالعان «سۇراعان جانعا سالەم ايت…» اتتى العاشقى جارىق كورگەن كىتابى وقىرمانعا ۇسىنىلدى.
ومىردە ماڭگى جاسار عۇمىرلار بار. ول ارتىندا ءسوزى, ءانى قالعان ءان يەسىنىڭ دە, ءانشىنىڭ دە, ءاننىڭ دە ماڭگى عۇمىرى. باسقوسۋدا اقىننىڭ ولەڭدەرى وقىلىپ, ءانشىنىڭ اندەرى ورىندالدى.