ەلورداداعى ورتالىق كوممۋنيكاتسيالار قىزمەتىندە مادەنيەت ءمينيسترى ارىستانبەك مۇحامەدي ۇلى مەن ەلىمىزدەگى يۋنەسكو جانە يسەسكو iستەرi جونiندەگi ۇلتتىق كوميسسيانىڭ باس حاتشىسى اسەل وتەگەنوۆانىڭ قاتىسۋىمەن بريفينگ ءوتتى.
ەلىمىز يۋنەسكو ۇيىمىنا 1992 جىلى مامىردا كىرگەن بولسا, يۋنەسكو ىستەرى جونىندەگى قازاقستان رەسپۋبليكاسىنىڭ ۇلتتىق كوميسسياسى 1993 جىلى سىرتقى ىستەر مينيسترلىگىنىڭ جانىنان قۇرىلعان. وسى ارالىقتا ەلىمىز بەن يۋنەسكو اراسىنداعى بايلانىس ءوز جەمىسىن بەرىپ ۇلگەردى. باسقاسىن ايتپاي-اق, تەك بىلتىرعى جىلى ەلىمىزدىڭ 2013-2022 جىلدار ارالىعىن «مادەنيەتتەر جاقىنداستىعىنىڭ حالىقارالىق ون جىلدىعى» دەپ جاريالاۋ تۋرالى باستاماسىن بەدەلدى ۇيىمنىڭ قولداپ, وسى ءبىر عانا باستامانىڭ توڭىرەگىندە دۇنيەجۇزى بويىنشا مىڭنان استام ءىس-شارالاردىڭ ۇيىمداستىرىلۋى ىنتىماققا نەگىزدەلگەن بايلانىستىڭ ناتيجەسى ەكەنىن كورسەتەدى. سونداي-اق, يۋنەسكو-نىڭ بۇكىلالەمدىك مادەني مۇرا تىزىمىندە قوجا احمەت ياساۋي كەسەنەسىنىڭ, تامعالى پەتروگليفتىك تاس كەشەنى مەن سارىارقانىڭ, ياعني ءسولتۇستىك قازاقستاننىڭ دالاسى مەن كولدەرىنىڭ بار ەكەنى, ال قورعالجىن جانە الاكول تابيعي قورىقتارىنىڭ بيوسفەرالىق رەزەرۆاتتاردىڭ دۇنيەجۇزىلىك جەلىسىنە ەنگىزىلگەنى ءاربىر قازاقستاندىقتىڭ قاپەرىندە جۇرسە ارتىق ەمەس.
مىنە, سول بەدەلدى ۇيىمعا مۇشە ەلدەردىڭ يۋنەسكو ءىستەرى ءجونىندەگى ۇلتتىق كوميسسيالارىنىڭ ءبىرىنشى وڭىرارالىق كەڭەسى تۇڭعىش رەت جاھاندىق فورماتتا استانا قالاسىندا ءوتكىزىلمەك. شىلدەنىڭ سوڭىنا قاراي وتەتىن اۋقىمدى ءىس-شاراعا 130-دان استام مەملەكەتتەردەن ارنايى وكىلدەر كەلىپ, الەكسو, وازحي, تۇركسوي سياقتى سەرىكتەس حالىقارالىق ۇيىمداردىڭ باقىلاۋشىلارى قاتىسپاق. بۇل تۋرالى مادەنيەت ءمينيسترى ارىستانبەك مۇحامەدي ۇلى بريفينگتە مالىمدەدى.
«اتالعان شارا ۇلتتىق كوميسسيالاردىڭ ارىپتەستىگىن, سونداي-اق, ولاردىڭ يۋنەسكو حاتشىلىعىمەن بايلانىستارىن نىعايتۋ جانە ۇيىمنىڭ كۇن تارتىبىندەگى پروبلەمالارىن كەڭىنەن تالقىلاۋ ماقساتىندا وتكىزىلمەك. بۇل ەلىمىزدىڭ ءيميدجى ءۇشىن وتە پايدالى», دەدى ول. مينيستر ءوز سوزىندە ءىرى حالىقارالىق شارانى وتكىزۋدە ەلىمىزدىڭ قارجىلىق شىعىنى كوپ بولمايتىنىن دا باسا ايتتى. «اتالمىش شاراعا قاتىساتىن ۇلتتىق كوميسسيا جەتەكشىلەرى استاناعا ءوز قارجىلارىنىڭ ەسەبىنەن كەلەدى. ءبىز تەك ىشكى شىعىنداردى وتەيتىن بولامىز», دەدى ا.مۇحامەدي ۇلى.
مادەنيەت ءمينيسترى پاريجدەگى يۋنەسكو جانىنداعى قازاقستاننىڭ تۇراقتى وكىلى ولجاس سۇلەيمەنوۆ پەن يۋنەسكو ىستەرى جونىندەگى ۇلتتىق كوميسسيانىڭ بۇرىنعى توراعاسى, استانا قالاسىنىڭ اكىمى يمانعالي تاسماعامبەتوۆتىڭ وسى جىلدار ىشىندە ەرەكشە ەڭبەك سىڭىرگەندەرىن اتاپ ءوتتى.
ال, قازاقستاننىڭ يۋنەسكو جانە يسەسكو iستەرi جونiندەگi ۇلتتىق كوميسسيانىڭ باس حاتشىسى اسەل وتەگەنوۆا كەلەتiن دەلەگاتتارعا حالقىمىزدىڭ مادەني نىساندارى, ءداستۇرi, تاريحي باي مۇرالارىمەن قاتار, ەلىمىزدىڭ حالىقارالىق باستامالارى ۇسىنىلاتىنىن جەتكىزدى. «130-دان استام مەملەكەتتiڭ شاراعا قاتىسۋى ولاردىڭ ەل مادەنيەتiنە قىزىعۋشىلىق تانىتىپ وتىرعاندىعىن دالەلدەيدى. شارا اياسىندا ەكi كورمە وتەدi. بiرiنشi كۇنi بiز ۇلتتىق مۇرالاردىڭ كورمەسiن, ال ەكىنشى كۇنi قازاقستان حالقى اسسامبلەياسىنىڭ كورمەسiن ۇسىنامىز. سونىمەن بىرگە, قوناقتار كوشپەلi وركەنيەت فەستيۆالىنە قاتىسادى. شارانىڭ جاھاندىق فورماتىن ەسكەرە وتىرىپ, ەكسپو-2017 حالىقارالىق كورمەسiن, حالىقارالىق ۋنيۆەرسيادانى, اسسامبلەيا قىزمەتiن, الەمدىك جانە ءداستۇرلi دiندەر كوشباسشىلارىنىڭ قۇرىلتايىن, تاعى باسقا دا ەلىمىزدىڭ بارلىق حالىقارالىق باستامالارىن ناسيحاتتايمىز», دەگەن ول كەڭەستىڭ سالتاناتتى اشىلۋ ءراسىمى وتە جوعارى دەڭگەيدە ۇيىمداستىرىلاتىنىن ايتتى.
ايگۇل سەيىلوۆا,
«ەگەمەن قازاقستان».