قازاقستان رەسپۋبليكاسى پرەزيدەنتى اكىمشىلىگىنىڭ باسشىسى نۇرلان نىعماتۋليننىڭ قاتىسۋىمەن وبلىستار جانە استانا, الماتى قالالارى اكىمدەرىنىڭ اپپارات باسشىلارىنا ارنالعان سەمينار قورىتىندىسى بويىنشا كەڭەس ءوتتى, دەپ حابارلادى پرەزيدەنتتىڭ ءباسپاسوز قىزمەتى.
كەڭەستە وبلىستار مەن استانا, الماتى قالالارى اكىمدەرىنىڭ اپپارات باسشىلارى قاتىسقان ەكى كۇندىك سەمينار-كەڭەستىڭ قورىتىندىسى جاسالىپ, سايلانعان اۋىل اكىمدەرىن قوسا العاندا, جەرگىلىكتى ءوزىن ءوزى باسقارۋ ورگاندارىنىڭ جۇمىسىن ودان ءارى جەتىلدىرۋ, ورتالىق پەن وڭىرلەر اراسىنداعى وكىلەتتىكتەردىڭ ايىرماشىلىقتارى, سونداي-اق, مەملەكەت باسشىسىنىڭ اكتىلەرى مەن تاپسىرمالارىنىڭ ورىندالۋ ماسەلەلەرى تالقىلاندى.
پرەزيدەنت اكىمشىلىگىنىڭ باسشىسى اكىمدىكتەردىڭ جۇمىسىنداعى انىقتالعان كەمشىلىكتەردى جويۋعا جانە مەملەكەت باسشىسىنىڭ اكتىلەرى مەن تاپسىرمالارىنىڭ مۇلتىكسىز ورىندالۋىنا قاتىستى ناقتى تاپسىرمالار بەردى.