وڭتۇستىك كورەيا – الەمدەگى ەكونوميكاسى دامىعان جيىرما مەملەكەتتىڭ بىرىنە اينالىپ, «ەكونوميكالىق كەرەمەتتى» جۇزەگە اسىرا باستاعان ەل. جاقىندا عانا جامبىلدىق ءبىر توپ دارىگەردىڭ وڭتۇستىك كورەيا استاناسى سەۋلگە ساپار شەگىپ, دۇنيەجۇزىلىك ترانسفۋزيولوگتاردىڭ 33 كونگرەسىنە قاتىسۋىنىڭ باستى ماقساتى تاجىريبە الماسىپ, بىلىكتىلىكتى ارتتىرۋ بولدى. جالپى العاندا, وسى ساپار بارىسىندا قازاقستان مەن كورەيا 1992 جىلدىڭ قاڭتار ايىنان بەرى ديپلوماتيالىق بايلانىس جاساپ كەلە جاتقانىن بىلدىك. وسى جىلدار ىشىندە قارىم-قاتىناس بارلىق سالالاردا دامىپ كەلەدى. مۇنىڭ ايعاعى رەتىندە 2011 جىل قازاقستاندا «وڭتۇستىك كورەيا جىلى» بولىپ جاريالانعانىن ايتا كەتسەك بولادى.
ءبىز كونگرەستىڭ بارلىق جيىندارىنا تۇگەل قاتىسىپ, سەۋلدەگى قان ورتالىعىنىڭ جۇمىسىمەن تانىستىق. بۇل ەلدەگى قان ورتالىعىنىڭ قىزمەتى بىزدەگىدەن ءبىر ەرەكشەلىگى 15 مەكەمەدە دونورلىق قان دايىندالىپ, ولاردى تەكسەرۋ تەك قانا ءۇش مەكەمەدە جۇرەدى ەكەن. ءبىزدىڭ وبلىستا بۇل ءىس تەك ءبىر جەردە عانا, اتاپ ايتقاندا, وبلىستىق قان ورتالىعىندا دايىندالىپ, سول جەردە تولىق تەكسەرۋدەن وتكىزىلەدى. كونگرەستىڭ كورمە زالىندا كوپتەگەن مەملەكەتتەردىڭ سوڭعى زاماناۋي ۇلگىمەن جابدىقتالعان مەديتسينالىق قۇرال-جابدىقتارىن كورىپ, جۇمىستارىمەن تانىستىق. قازاقستاندا دا سوڭعى جىلدارى دەنساۋلىق ساقتاۋ سالاسىنا كوپ كوڭىل ءبولىنىپ, ءتۇرلى وزىق ۇلگىلى مەديتسينالىق قۇرالدارمەن جابدىقتالىپ جاتقانى بەلگىلى. وسى كورمەنى ارالاۋ بارىسىندا ءدال قازىر ءوزىمىز قولدانىپ جۇرگەن مەديتسينالىق قۇرالدار-جابدىقتاردىڭ نارىقتا ءالى ۇلكەن سۇرانىسقا يە ەكەنىنە كوزىمىز جەتتى. ياعني, كورەيا پايدالانىپ جاتقان مەديتسينالىق جابدىقتار مەن ءبىزدىڭ ەلدەگى جابدىقتاردىڭ اناۋ ايتقانداي ايىرماشىلىعى جوق. سونداي-اق, كونگرەستە قان دايىنداۋ تولىق كولەمدە تەك اقىسىز دونورلاردان جانە ولاردىڭ جاسى 18-28 ارالىعىندا بولۋى كەرەك ەكەنى باسا ايتىلدى.
عالىمداردىڭ جۇرگىزگەن زەرتتەۋلەرى بويىنشا قان تاپسىرۋدىڭ ادام دەنساۋلىعىنا زيانسىز ەكەنى دالەلدەنگەن. ءتىپتى, قان تاپسىراتىن ادامدار قان تاپسىرمايتىن ادامدارعا قاراعاندا ينفاركت, يشەميالىق اۋرۋلارمەن ون ەسە سيرەك اۋىراتىن بولىپ شىققان. جامبىل وبلىسىندا «100 مەكتەپ, 100 اۋرۋحانا» مەملەكەتتىك باعدارلاماسى اياسىندا 2010 جىلى وبلىستىق قان ورتالىعى اشىلدى. ول جىلىنا 15 مىڭ ليتر قان دايىنداۋعا لايىقتالعان جانە دۇنيەجۇزىلىك ستاندارتقا سايكەس جاڭا قۇرال-جابدىقتارمەن جاساقتالعان. ياعني, بۇرىنعىداي وبلىس بويىنشا بارلىق ەمدەۋ مەكەمەلەرىندە دونورلىق قان دايىنداۋ توقتاتىلدى. وڭتۇستىك كورەيا ساپارىنان ءبىزدىڭ دارىگەرلەر وسى سالانىڭ كوپتەگەن جەتىستىكتەرىن كوزىمەن كورىپ, ۇلكەن تاجىريبە جيناقتاپ قايتتى. شەتەلدىك ارىپتەستەرىمىزدىڭ ءبىزدىڭ ەلگە دەگەن ىستىق ىقىلاسىن, جوعارى قۇرمەتتەرىن انىق سەزىندىك. ەكى ەلدىڭ اق حالاتتى جاندارىنىڭ اراسىنداعى بارىس-كەلىس الداعى ۋاقىتتا دامي بەرەتىنى ءسوزسىز.
باقبەردى كەزەمباەۆ,
جامبىل وبلىستىق قان ورتالىعىنىڭ ديرەكتورى.
جامبىل وبلىسى.