شاراينا
اقش پرەزيدەنتى باراك وباما نەمىس كانتسلەرى انگەلا مەركەلمەن تەلەفون ارقىلى سويلەستى. بۇل ەكىجاقتى قارىم-قاتىناسقا سىزات تۇسىرگەن شپيوندىق جانجال باستالعاننان بەرگى ەكى ساياساتكەردىڭ اراسىنداعى العاشقى بايلانىس بولىپ وتىر.
وباما مەركەلگە امەريكالىق جانە نەمىس بارلاۋىنداعى ىنتىماقتاستىقتى تەرەڭدەتۋ بويىنشا جاڭا جول ىزدەۋ نيەتى بار ەكەنىن ءبىلدىردى. بۇدان بولەك, ەكى مەملەكەت كوشباسشىلارى ۋكرايناداعى جانجال مەن يراننىڭ يادرولىق باعدارلاماسىنا قاتىستى اڭگىمە ءوربىتتى. ايتا كەتەتىن بولساق, سوڭعى كەزدەرى گەرمانيادا اقش-تىڭ ارنايى قىزمەتىمەن ىنتىماقتاستىق ورناتقان دەگەن ەكى جانسىزدىڭ ارەكەتى اشكەرلەنگەن ەدى.
يۋنكەردىڭ كانديداتۋراسىن قولدادى
ەۋروپارلامەنت ليۋكسەمبۋرگتىڭ بۇرىنعى پرەمەر-ءمينيسترى جان-كلود يۋنكەردىڭ كانديداتۋراسىن ەۋروكوميسسيا باسشىسى لاۋازىمىنا قولداۋ ءبىلدىردى. ەۋرودەپۋتاتتاردىڭ 422-ءسى ونى قولداپ داۋىس بەرسە, 250-ءى قارسىلىق تانىتقان, ال 47-ءسى قالىس قالعان.
59 جاستاعى يۋنكەر ەۋروپارلامەنتتە داۋىس بەرۋدەن كەيىن وسىنداي لاۋازىم العان ەۋروكوميسسيانىڭ العاشقى باسشىسى بولىپ تابىلادى. ونىڭ الدىنداعى كانديداتۋرالاردىڭ بارلىعى ەو-عا مۇشە ەلدەر باسشىلارىنىڭ سامميتىندە كەلىسىلىپ كەلگەن ەدى. الايدا, يۋنكەرگە قاتىستى كونسەنسۋسقا قول جەتكىزۋ مۇمكىن بولمادى: ونىڭ تاعايىندالۋىنا ۇلىبريتانيا مەن ۆەنگريا قارسى شىقتى. بىراق كوپشىلىك داۋىسپەن ول اتالعان لاۋازىمعا تاعايىندالاتىن بولدى.
گازادا تىنىشتىق ورنار ەمەس
مىسىردىڭ باستاماشىلىعىمەن يزرايل ۇكىمەتى ەكىجاقتى اتىستى توقتاتۋ نيەتى بار ەكەنىن بىلدىرگەنىمەن, بۇل باستامانى حاماس توبىنىڭ قولداماعانى بۇعان دەيىن حابارلانعان بولاتىن. ءسويتىپ, بۇرناعى تۇندە يزرايل اسكەريلەرى گازاداعى جەر ءۇستى وپەراتسيالارىن قايتا جالعاستىردى.
وسىنىڭ الدىندا, ياعني 15 شىلدە كۇنى گازا سەكتورىنان جىبەرىلگەن زىمىران جارىلۋى سالدارىنان ءبىر يزرايلدىك بەيبىت تۇرعىن قازا تاپقان-تىن. ول ءبىر اپتادان استام ۋاقىتقا سوزىلعان ەكىجاقتى تەكەتىرەس كەزىندە يزرايل تاراپىنان كوز جۇمعان العاشقى قۇرباندىق بولىپ تابىلادى. جالپى, پالەستينانىڭ شەكاراسى 1967 جىلعى كولەمدە قالپىنا كەلتىرىلمەي, پالەستينا جاعى كۇرەسىن توقتاتپايتىنى ايتپاسا دا تۇسىنىكتى. بىراق الەمدىك قوعامداستىقتىڭ بۇل ۇسىنىسىن يزرايل ازىرشە جۇرە تىڭداپ كەلەدى.
بارلاۋ ورتالىعىن وزىنە قايتارادى
رەسەي مەن كۋبا لۋردەستەگى راديوەلەكترلىك بارلاۋ ورتالىعىن رەسەيدىڭ قولدانۋىنا قايتارۋعا قاتىستى ناقتى ۋاعدالاستىققا قول جەتكىزدى. رەسەي باسشىلىعى ودان 2001 جىلى باس تارتقان بولاتىن. سەبەپ ورتالىقتى ۇستاپ تۇرۋعا قارجىنىڭ جوقتىعى جانە اقش-پەن اراداعى قارىم-قاتىناستى جاقسارتۋعا دەگەن ۇمتىلىس بولاتىن.
اتالعان ورتالىق اقش جاعالاۋلارىنان بار-جوعى 250 شاقىرىم قاشىقتىقتا ورنالاسقان جانە بۇل ەلدىڭ ۇلكەن اۋماعىنداعى راديو جانە تەلەفون بايلانىسىن باقىلاۋدا ۇستاۋعا مۇمكىندىك بەرەدى. لۋردەستى رەسەيگە قايتارۋ تۋرالى كەلىسسوزدەر بىرنەشە جىلعا سوزىلدى جانە رەسەي ءۇشىن تابىستى اياقتالدى. 1990-جىلدارى, ياعني كەڭەس وداعى كەزىندە وندا 3 مىڭعا دەيىن مامان ورنالاسقان ەكەن. رەسەي ونى قىسقارتىپ, ورتالىقتا 1,5 مىڭ مامان ۇستاماق.
مقك قىزمەتىنىڭ سالدارى قانداي؟
لاتۆيانىڭ ۇكىمەتتىك كوميسسياسى كسرو مەملەكەتتىك قاۋىپسىزدىك قىزمەتى سالدارىنان كەلگەن زالالدى ەسەپتەپ شىعارماق. كوميسسيانىڭ العاشقى وتىرىسى بۇرناعى كۇنى وتسە, وعان ۇلتتىق تاريحي مۇراعاتتىڭ, لاتۆيا ۋنيۆەرسيتەتى تاريح جانە فيلوسوفيا فاكۋلتەتىنىڭ, تاريح جانە وتارلاۋ مۇراجايى ينستيتۋتىنىڭ ماماندارى قاتىسقان.
كوميسسيا قۇرامىندا بارلىعى 20 ادام جۇمىس ىستەيتىن بولادى. 2014 جىلدىڭ مامىرىندا لاتۆيا پارلامەنتى تاريحشىلار مقك-ءنىڭ قىزمەتىنە عىلىمي باعام بەرۋى ءتيىس قاۋلى قابىلداعان ەكەن. ءسويتىپ, كسرو-نىڭ ارنايى قىزمەتتەرى لاتۆياعا قانشالىقتى زارداپ اكەلگەنى ەسەپتەپ شىعارىلماق. وسى كوكتەمدە مقك مۇراعاتتارىنىڭ قۇپيالىق مەرزىمى اياقتالىپتى. ەندى بارلىق قۇجاتتار اشىق تۇردە جاريالانا الادى. كوميسسيا جۇمىسىن 2018 جىلدىڭ 17 ماۋسىمىندا اياقتاۋى ءتيىس.
قايتا قاراۋ كەرەك دەيدى
مەملەكەتتىك دۋماعا رەسەي ليبەرال-دەموكراتيالىق پارتياسىنان دەپۋتات ميحايل دەگتيارەۆ جاڭا زاڭ جوباسىن دايىنداپتى. ول بويىنشا رەسەيدىڭ رەسمي تۋى قايتادان يمپەريالىق تۋ, ياعني قارا-سارى-اق ءتۇستى شتاندارت بولۋى شارت.
اتالعان ساياساتكەر-سىماقتىڭ پىكىرىنشە, قىرىمنىڭ رەسەيگە قوسىلۋى, كەدەن وداعىنىڭ قۇرىلۋى جانە ەلدە ءپاتريوتيزمنىڭ ءوسۋى رەسەي يمپەرياسىنىڭ داڭقتى وتكەنىن قاپەرگە سالاتىن مەملەكەتتىك نىشانداردا كورىنىس تابۋى ءتيىس. بۇيرەكتەن سيراق شىعارماسا جۇرە المايتىن رلد پارتياسىنىڭ وكىلى رەسەيدىڭ يمپەريالىق تۋىنىڭ قۇرامىنا قىرىم تۇبەگى
قىسقا قايىرىپ ايتقاندا:
بۇرناعى كۇنى ەرتەڭگىسىن بولعان ماسكەۋ مەتروسىنداعى اپات سالدارىنان قازا تاپقاندار سانى 22 ادامعا جەتتى. جارالانىپ, اۋرۋحاناعا تۇسكەندەردىڭ 40-ى جانساقتاۋ بولىمدەرىندە جاتىر ەكەن. وقيعاعا كىنالى دەپ تابىلعان ەكى كۇدىكتى ۇستالىپتى. وسى وقيعاعا بايلانىستى رەسەي ۇكىمەتىنىڭ شەشىمىمەن 16 شىلدە قارالى كۇن دەپ جاريالاندى.
فيليپپيندە جىلدامدىعى ساعاتىنا 185 شاقىرىمعا جەتكەن قاتتى داۋىل سوقتى. ول اعاشتاردى ءتۇپ-تامىرىمەن قۇلاتىپ, ەلەكتر جەلىلەرىن ىستەن شىعاردى. تابيعات اپاتىنىڭ سالدارى دا ايتارلىقتاي اۋىر – الدىن الا دەرەك بويىنشا 10 ادام قازا تاپتى دەلىنىپ وتىر. اۋىل شارۋاشىلىعى سالاسىنا كەلگەن زالال ەسەپتەلىپ جاتىر.
رەسەي اسكەريلەرى ۇشقىشسىز ۇشاتىن اپپاراتتاردى (ۇۇا) سىناقتان وتكىزۋدى باستادى. بۇل ءۇردىس ارمەنيا اۋماعىنداعى وڭتۇستىك اسكەري وكرۋگىنىڭ ء(واو) بازاسىنداعى كەڭ اۋقىمدى تاكتيكالىق جاتتىعۋلار كەزىندە جۇزەگە اسىرىلۋدا. رەسەي اسكەريلەرى ۇۇا-نى ۇجىمدىق قاۋىپسىزدىك شارتى ۇيىمى شەڭبەرىندە قولدانۋدا.
ينتەرنەت ماتەريالدارى نەگىزىندە ازىرلەندى.