قۇرىلىس الاڭىنا اينالعان ءوڭىر

مەتسەنات دەگەننەن شى­عا­دى, پانفيلوۆ جانە كەربۇ­لاق اۋداندارىندا الەۋمەتتىك وسال توپ ساناتىنداعى 8 وتباسى كوپ­تەن كۇتكەن باسپانالارىنا قول جەتكىزدى. جومارت جاندار كۇنى كەشە كوپبالالى وتباسىعا, جال­عىز­­باستى انالارعا جانە ەرەكشە قا­­جەتتىلىكتەرى بار ازاماتتارعا پا­­تەر كىلتىن تابىستادى.

ءوڭىر اكىمىنىڭ ءباسپاسوز قىزمە­تىنىڭ مالىمەتىنە سۇيەنسەك, كەر­بۇ­لاق اۋدانىنىڭ سارىوزەك اۋى­لى تۇرعىندارىنا تۇرعىن ءۇيدى «جولبارىس اگرو» جشس باس قۇرىلتايشىسى نارىمبەت ابدىباەۆ, وسى كاسىپورىننىڭ ديرەكتورى ماقاش اشىربەكوۆ جانە «LeaderNsk» جشس ديرەكتورى نۇربولات كارىموۆ ساتىپ الىپ بەرگەن. وسىلايشا, كاسىپكەر-مەتسەناتتاردىڭ قولداۋىنىڭ نا­تي­­­جەسىندە 4 وتباسى­ كوپتەن كۇت­كەن جەكە باس­پا­ناسىنا قول جەتكىزدى. ونىڭ 3-ەۋى 5-6 بالادان تاربيەلەپ وتىرعان كوپبالالى وتباسى. ال پانفيلوۆ اۋدا­نىن­داعى 4 كوپبالالى وتباسى دا قونىس تويىن تويلادى. ولاردىڭ 3-ەۋى – جاركەنت قالاسىنىڭ جانە 1-ەۋى – كىشى شىعان اۋىلىنىڭ تۇرعىندارى.

بۇگىندە پانفيلوۆ اۋدانىندا باسپانا كەزەگىندە تۇرعان ازاماتتاردى تۇرعىن ۇيمەن قامتاماسىز ەتۋ ماقساتىندا ارقايسىسى 60 پاتەرلىك 4 كوپقاباتتى تۇرعىن ءۇيدىڭ قۇرىلىسى جۇرگىزىلۋدە. ۇيلەردى جىل سوڭىنا دەيىن تاپسىرۋ جوسپارلانعان. سونداي-اق ارقايسىسى 60 پاتەردەن تۇراتىن 10 تۇرعىن ءۇيدىڭ جوبالىق-سمەتا­لىق قۇجاتتارىن ازىرلەۋگە جانە جەكە تۇرعىن ءۇي القابىن دايىن­داۋ جۇمىستارىنا قاراجات ءبولىندى.

جالپى, جەتىسۋدا تۇرعىن ءۇي ماسەلەسىن شەشۋدە مەتسەناتتار دا ءوز ۇلەستەرىن قوسۋدى جالعاستىرا بەرەدى. ماسەلەن, «شىمىر» جشس تەكەلى, ءۇشارال جانە اقسۋ اۋدانىندا ۇيلەر سالىپ بەرەدى. ال كەلەسى جىلى ۇكىمەت قاۋلىسىنا سايكەس «سامۇرىق-قازىنا» اق تالدىقورعان قالاسىندا 7 كوپ­پا­تەرلى, پانفيلوۆ اۋدانىندا 80 كوپپاتەرلى تۇرعىن ءۇي جانە سارى­وزەك­تە 60 كوتتەدج قۇ­رى­لى­سىن باستايدى.

وسى ورايدا تاعى ءبىر ماسەلەنىڭ شەتى شىعادى, تالدىقورعانداعى قۇرىلىس نىساندارىن وبلىس اكىمى بەيبىت يساباەۆ ارالاپ, ولاردىڭ ساپالى سالىنىپ جاتقاندىعىنا كوز جەتكىزىپ قايتتى.

«ينكليۋزيۆتى ءادىل قوعام قۇرۋ – مەملەكەت باسشىسىنىڭ ما­ڭىز­دى تاپسىرمالارىنىڭ ءبىرى. سالىنىپ جاتقان ۇيلەردە ەرەكشە قاجەتتىلىكتەرى بار تۇرعىنداردىڭ ءوز ۇيلەرىنە ەش قيىندىقسىز كىرە الۋى ءۇشىن ىڭعايلى پاندۋستار, اۆتوماتتى كوتەرگىشتەر, تاكتيلدى جولدار بولۋى كەرەك. تەك ءۇي عانا ەمەس, بارلىق جاڭا نىسانداردى سالۋ كەزىندە مەردىگەرلەرگە وسى ەرەجەنى ساقتاۋ تالابى قويىلادى. ۇي­لەردىڭ سىرتقى قاسبەتى قالانىڭ ساۋ­لەتتىك كەلبەتىنە جانە ەستەتي­كا­لىق تالاپتارعا ساي بول­ۋى ءتيىس», دەدى وبلىس اكىمى.

ماسەلەن, 8-شاعىن اۋدان­دا­عى ەكى كوپپاتەرلى ءۇيدى «شىمىر» جشس مەردىگەرلىك ۇيىمى ەكى جىل بۇرىن اياقتاعان. بىراق اباتتاندىرۋ پروبلەمالارىنا بايلانىس­تى ءالى پايدالانۋعا بەرىلمەگەن. وعان مەردىگەر ۇيىم «مونوليت» جشس-نىڭ جاۋاپسىزدىعى سەبەپ بولعان. بۇل رەتتە قالا اكىمى اسەت ماساباەۆ: «سوت شەشىمىنە سايكەس قۇرىلىس كومپانياسى ينجەنەرلىك جەلىلەردى سالۋدى اياقتادى, بىراق اۋلانى اباتتاندىرۋ جاعىنان تاعى دا كەشىكتىرىپ جاتىر. سونىڭ سالدارىنان كەزەكتە تۇرعان 200-گە جۋىق وتباسى كوپتەن كۇتكەن پا­تەر­­لەرىنىڭ كىلتىن الا الماي وتىر», دەپ ءتۇسىندىردى.

ال نىسانعا جاۋاپتىلار, قار­جى­لىق پروبلەمالارعا باي­لانىس­تى اۋلانى اسفالتتاۋدى ءسال كەش­تە­تىپ باستاعانىن ايتادى. اباتتاندىرۋ جۇمىسىن مامىر ايىنىڭ سوڭىنا دەيىن اياق­تالاتىنىنا ۋادە بەردى. سون­داي-اق ءوڭىر باسشىسىنىڭ تاپسىرماسىنا سايكەس ءوز قاراجاتى ەسەبىنەن «شىمىر» جشس مەر­دىگەر كومپانياسى وسى ۇيلەردىڭ كىرە­­بەرىستەرىنە اۆتوماتتى كوتەر­گىش­تەر ورناتپاق.

«بۇگىندە تالدىقورعاندا تۇر­عىن ءۇي كەزەگىندە 15 مىڭنان استام ادام تىركەلگەن. وسى جىلعا جوس­پار­لانعان تۇرعىن ءۇي كولەمىن قام­تاماسىز ەتۋدىڭ ارقاسىندا 1900-دەن استام ادام نەمەسە كەزەكتە تۇرعاندار سانىنىڭ 12-13 پا­يىزى باسپاناعا قول جەتكىزەدى, بۇل – جامان كورسەتكىش ەمەس. ءبىز بيۋدجەت قاراجاتىنا ءۇي سالۋدى جالعاستىرامىز, مەتسەناتتار دا قولداۋ كورسەتەدى. مىسالى, «شى­مىر» جشس تەكەلى, ءۇش­ارال قالالارىندا, اقسۋ اۋدانىن­دا ءۇي تۇرعىزادى. ال كەلەسى جىلى «سامۇرىق-قازىنا» اق ۇكى­مەت­تىڭ قاۋلىسىنا سايكەس تال­دى­قورعاندا 7 كوپپاتەرلى ءۇي, پانفيلوۆ اۋدانىندا 80 پا­تەر­لى ءۇي, سارىوزەكتە 60 كوتتەدج سالۋدى باستايدى. بۇل وبلىس حالقىنىڭ ءومىر ءسۇرۋ ساپاسىن جاقسارتۋعا ۇلكەن كومەك بو­لىپ, قوماقتى ۇلەس قوسپاق. الداعى جىلدارى دا تۇرعىن ءۇي قۇرى­لى­سىنىڭ وسى قارقىنىن ساقتاپ قالۋدى جوسپارلاپ وتىرمىز», دەدى ب.يساباەۆ.

قازىر ءوڭىر ورتالىعىندا «جە­تى­سۋ» ۆولەيبول كلۋبىنىڭ جات­تىعۋ بازاسى مەن كلۋب قۇرا­مىن­­­دا­عىلارعا ارنالعان تۇرعىن ءۇي قۇ­رىلىسى دا ءجۇرىپ جاتىر. ناق­تىلاي كەتسەك, جوعارعى ليگادا ويناپ جۇرگەن «جەتىسۋ» جانە «ايقاراكوز» ۆولەيبول كوماندالارى جاتتىعاتىن سپورت­تىق نىسان 300 ملن تەڭگەگە بلوكتى-ءمودۋلدى كونسترۋكتسيادان تۇرعىزىلماق. قۇرىلىس جۇمىستارىمەن «اسك اۋىل قۇرىلىسى» جشس اينالىسۋدا. مۇندا وقۋ-جاتتىعۋعا قا­جەتتى بارلىق جاعداي قاراس­تى­رىل­عان. قازىر قۇرىلىس الاڭىندا قازانشۇڭقىر قازۋ جۇمىستارى ءجۇرىپ جاتىر.

ال ۆولەيبولشىلارعا ارنالعان تۇرعىن ءۇي جەكە ينۆەستوردىڭ ەسەبىنەن سالىنادى. مەردىگەر مەكەمە «مەريديان م.و.B company» كومپانياسىنىڭ ۋچاسكە باس­تىعى اسەت بەرەتاەۆتىڭ ايتۋىن­شا, مۇندا قۇرىلىس جۇرگىزۋدىڭ باستاپقى دايىندىق جۇمىس­تارى بىتكەن, ەندى عيمارات­تىڭ ىرگەتاسىن قۇيا باستايدى. بۇل جۇمىستارعا ازىرگە 20 ادام تار­تىل­عان, كەيىن جۇمىسشىلار سانى ارتا تۇسەدى.

ورتالىق ستاديوننىڭ قوسال­قى الاڭىنىڭ جاڭعىرتۋ جۇمىس­تا­رى­نا دا ەرەكشە نازار اۋدارعان وبلىس اكىمى «سمۋ شىعىس» مەردىگەر كوم­پانياسىنىڭ وكىلى ماديار توبىقباەۆتان قۇرىلىستىڭ جاي-جاپسارىن سۇراپ ءبىلدى. ۋچاسكە باستىعىنىڭ سوزىنە سۇيەنسەك, جوبانىڭ قۇنى 1 ملرد تەڭگەدەن اسادى. وسى جوبانىڭ اياسىندا قوسالقى ستاديوننىڭ جاساندى جابىنى تولىق اۋىستىرىلىپ, كوگالدىڭ استىنا جىلۋ تارتىلادى, كورەرمەندەر ورىندىقتارى جاڭالانادى, قابىرعاسى سىلانىپ, بويالىپ, رەتكە كەلتىرىلەدى. سونىمەن قاتار نەگىزگى ستاديونعا كىرەبەرىس اۋماقتىڭ جابىنى جا­ڭا­لانىپ, اسفالت پەن تاس توسە­مەلەرى, جيەكتاستارى اۋىس­تى­رىلادى. ويىن الاڭىنىڭ اينالاسىنداعى جۇ­گى­رۋ جولاعىنىڭ دا توسەمى جا­ڭار­­تىلادى. الاڭنىڭ ءۇش بولى­گىن­دەگى ەلەكتر جەلىلەرى اۋىستىرىلىپ, جاڭا باعانالار قويىلادى. بۇل جۇمىستار ءساۋىر ايىندا باس­­تالدى. ءبىر سوز­بەن ايتقاندا, ور­تالىق ستاديون ۋەفا ستان­دارتتارىنا ساي جاڭ­عىر­تى­لا­دى. وبلىس اكىمى قۇرى­لىس با­رىسىنداعى, ماتەريال تاڭ­داۋ­دا­عى بىرقاتار كەم­شى­لىك­كە نا­زار اۋدارىپ, ولارعا قا­تىس­تى ءوز ۇسى­نىس­تا­رىن جوباعا ەنگىزۋدى تاپ­سىردى.

جۋرناليستەرمەن تىلدەسكەن وبلىس اكىمى بەيبىت يساباەۆ بىلتىر كۇزدە جەتىسۋ وڭىرىنە جۇمىس ساپارىمەن كەلگەندە مەملەكەت باسشىسى بۇقارالىق جانە كاسىبي سپورتتى دامىتۋ جونىندە بىرقاتار تاپسىرما بەرگەنىن اتاپ ءوتتى.

«قازىر ءبىز ارنايى جەر ءبولىپ, جوعارعى ليگادا ويناپ جۇرگەن «جەتىسۋ» مەن «ايقاراكوز» ۆولەيبول كوماندالارىنا ارنايى سپورتتىق الاڭدار سالىپ جاتىرمىز. ەندى ءبىزدىڭ ۆولەيبولشىلارىمىز وقۋ-جاتتىعۋ جيىندارىنىڭ ءبارىن وسى جەردە وتكىزەدى. جەكە ينۆەستور ءوز قارجىسىنا كلۋب ۇجىمىنا تۇرعىن ءۇي سالۋدا. بولا­شاق­تا وسى سپورتتىق بازانىڭ ىرگە­سىن كەڭەيتىپ, ۆولەيبول اكادەميا­سىن قۇرساق, سپورتتا تالانتتى جاس­تارىمىزدى ءوزىمىز دايارلاۋعا ۇلكەن مۇمكىندىك بولادى. سول سياقتى رەگبيدەن, يندورحوككەيدەن رەسپۋبليكادا ۇزدىك كوماندالاردىڭ قاتارىنداعى ءبىزدىڭ سپورتشىلارعا قىستا جات­تى­عاتىن جابىق كەشەندى بمك ارقىلى تۇرعىزىپ بەرەمىز. قازىر وسى قۇرىلىستاردىڭ بارى­سىن, ساپاسى مەن قارقىنىن كو­رىپ شىقتىم. نىساندار دەر كەزىن­دە ىسكە قوسىلۋعا ءتيىس», دەدى ب.يساباەۆ.

بۇگىندە جەتىسۋدا نەبىر قۇرى­لىس نىساندارى بوي كوتەرىپ جاتىر. ونىڭ دەنى ينۆەستورلار مەن مەتسە­نات­تاردىڭ قارجىسىنا سالىنۋدا. بۇل وڭىردە باسقا سالالاردىڭ دامۋىنا ۇلكەن جاردەم بولىپ وتىر.

جەتىسۋ وبلىسى