“مەن سەنى كۇتەمىن, جانىم!”

شىنايى ماحاببات شەكارا مەن شەكتەۋلەرگە قارامايدى. شۋاقتى  كوكتەم ايىنىڭ سوڭىندا زاستان­تسيوننىي كەنتىندەگى ەتس – 166/23 مەكەمەسىندە تەرگەۋ تۇتقىنىندا وتىر­عان كەنجەبەك پەن اينۇردىڭ نەكە قيۋ ءراسىمى بولىپ ءوتتى. وسى­ناۋ قاراپايىمداۋ عانا سالتانات­تىڭ قۋانىشى مەن نالاسى جاس جۇ­بايلار مەن اتا-انالاردىڭ, تىلەكتەس جاماعاتتىڭ جۇرەگىن شىمىرلاتا تەربەتكەنى انىق. جاناردان ءۇزىلىپ تۇسكەن جاستى, ءۇمىت بولىپ جار­قى­راعان وتتى كورۋدىڭ ءوزى وڭاي ەمەس ەدى. كوكشەتاۋ قالالىق احاج ءبو­لىمىنىڭ باستىعى جانات تاشەنوۆا جاس جۇبايلارعا نەكە كۋالىكتەرىن تاپ­سىرىپ, قيىنشىلىعى مەن قى­زىعى قاتار تۇرار ومىردە ءبىر-بىرىنە سۇيەۋ بولىپ, جۇپتاسىپ تىرشىلىك كەشۋلەرىنە, دىڭگەگى بەرىك شاڭىراق قۇرۋلارىنا تىلەكتەستىگىن ءبىلدىردى. سونداي-اق قۋانىش يەلەرىن مەكە­مەنىڭ اعا زاڭ كەڭەسشىسى, ادىلەت لەيتەنانتى ايگۇل سايىمبەتوۆا قۇتتىقتادى. ەتس – 166/23 مەكەمەسىنىڭ باس­تى­عى جانات مۇقاشەۆ جاس جۇ­باي­لارعا قۇتتى بولسىن ايتىپ, قوس ءجۇ­رەكتىڭ جاراسىم تابۋى ادام ءومى­رىن­دەگى ەڭ ۇلكەن باقىت ەكەندىگىن ەسكە سالدى. “تاۋەلسىز مەملەكەتىمىزدىڭ زاڭ­دارى مەن دەموكراتيالىق قاعي­دالارى ازاماتتاردىڭ تەڭ قۇقىق­تى­عىنا كەپىلدىك بەرىپ, باقىتتى ءومىر سۇرۋىنە قامقورلىق جاسايدى,–دەدى ول. – مۇنداي وتىنىشتەر بىزدە ارا­كىدىك بولىپ تۇرادى. ونى قولداي­­­مىز. ويتكەنى, جازا باسقان جان­دار­دىڭ كوكىرەگىندەگى ءۇمىت ساۋلەسى سونبەۋى ءتيىس”. ماحاببات – قۇدىرەت! قۇدىرەت قول­داپ ءجۇرسىن سەندەردى, جاس جۇ­باي­لار! “اداسقاننىڭ ايىبى جوق, قازىعىن قايتا اينالىپ تاپقان سوڭ” دەيدى حالقىمىز. تەك بويلا­رىڭ­دا سەندەرگە جازعان وتباسىلىق ءومىر­دىڭ اۋىر سالماعىن كوتەرۋگە جە­تەرلىك جىگەر مەن ءتوزىم بولعاي. توي ءراسىمىنىڭ ەركىندىكتە وتپەگەنى وكىنىشتى, ارينە. بىراق, جاستار جانا­رىنداعى جالىن سول ەركىندىككە ۇمتىلىستى بايقاتىپ تۇرعانىنا قۋاندىق. باقبەرگەن امالبەك. اقمولا وبلىسى.