ەسكى نورماتيۆ وزگەرۋگە ءتيىس

اتاپ ايتقاندا قازاقستاننىڭ جول سالاسىنىڭ نور­ماتيۆتىك بازاسىن رەفورمالاۋ جونىندەگى جۇمىس توپتا­رىنىڭ قىزمەتى ءوز مەجەسىنىڭ ورتاسىنا جەتتى. جا­قىن­دا «قاز­جولعزي» اق بازاسىندا جول-قۇرىلىس ماتەريالدارى مەن بۇيىمدارى تاقىرىبى بويىنشا كەزەكتى نورماتيۆتىك كەڭەس ءوتتى.

كەڭەسكە ەلىمىزدىڭ باسقا دا اۆتوجول ۇيىمدارىنىڭ ساراپشىلارى قاتىستى. قازجولعزي جانىندا وتكىزىلگەن جۇمىس توپ­­­تارىنىڭ وتىرىستارى تو­لىق اشىقتىق قاعيداسىمەن جانە ءىس-شاراعا جوعارى سانات­تاعى ماماندار مەن ساراپ­شى­لار­دىڭ بەلسەندى قاتىسۋى­مەن ۇيىمداستىرىلادى. ايتا كەت­سەك, جىل بويى جۇمىس تو­بى­نىڭ مۇشەلەرى قازاقستان رەس­پۋبليكاسىنىڭ نور­ما­تيۆ­تە­رىن وزگەرتۋ جانە تو­لىق­تىرۋ بويىنشا ءوز ۇسىنىس­تارىن ەنگى­زىپ جاتىر.

بۇعان دەيىن ينستيتۋت نورما­تيۆ­تەردى رەفورمالاۋ ماسەلە­لەرى بويىنشا ءتورت كەڭەس وتكىزگەن بولاتىن. بۇل اۆتو­جول­دارداعى جوبالاۋ جانە سالۋ, دياگنوستيكالاۋ, جاساندى قۇرىلىستار, سونداي-اق جول قۇرىلىسىن ۇيىم­داستىرۋ جانە قاۋىپسىزدىگى جونىندەگى وتىرىستار بولاتىن.

نەگىزى عتق بازاسىن رەفورمالاۋ بويىنشا مەملەكەت­تىك تاپسىرما اياسىندا ينستيتۋت باسشىلىعى نورماتيۆتىك باعىت­تار بويىنشا 7 جۇمىس توبىن قۇردى. قازاقستاننىڭ جول نور­ما­تيۆتىك بازاسىنىڭ پروبلەمالارىنا تالداۋ وسى جىلدىڭ II توق­سانىنان باستاپ جۇرگىزىلىپ جاتىر.

«قازجولعزي» ساراپشىلارىن, كوپ جاعدايدا ءبىر-بىرىنە قاراما-قايشى سيپاتتا كەلەتىن اۆتوجول سالاسىنىڭ 1200-گە جۋىق ستاندارتى مەن ءنورماتيۆىن رەفورمالاۋ كۇتۋدە.

وسى كەزدە قازاقستاننىڭ جول سالاسىندا ۇلكەن تاجىري­بە­سى بار جانە ءبىزدىڭ ەلىمىزدەگى ستاندارتتاۋ پروبلەمالارى­مەن تىكەلەي اينالىساتىن جە­تەك­شى مامانداردان قۇرال­عان ساراپتامالىق توپتار, با­عىت­­تارىنا سايكەس اۆتوجول سالا­سىنىڭ نورماتيۆتىك بازاسىن رەفورمالاۋ بويىنشا جۇ­مىس­تاردى اتقارادى. بازانى رەفورمالاۋ جول-قۇرىلىس عىلى­مى­نىڭ دامۋىن ارتتىرۋعا مۇم­كىندىك بەرىپ, اۆتوجول وندىرى­سىندەگى يننوۆاتسيالارعا جول اشىپ قانا قويماي, جول-قۇرى­لىس يندۋسترياسىنىڭ وتاندىق كاسىپورىندارىنىڭ ساپاسىن جاق­سارتادى دەگەن ءۇمىت بار.

بۇگىنگى كۇندە جوبالاۋ جانە قۇرىلىس, دياگنوستيكالاۋ, جاساندى قۇرىلىستار, جول قاۋىپ­سىزدىگى, جول-قۇرىلىس ماتە­ريال­دارى مەن بۇيىمدارى جانە ستان­دارتتاۋ سىندى تاقى­رىپ­تار­عا سايكەس ارنايى توپتارى جۇمىس ىستەپ جاتىر. اتالعان جۇمىس توپتارىنىڭ قۇرامىنا ينستيتۋت ماماندارىمەن قاتار جول-قۇرىلىس كومپانيالارى, جولشىلار, جەتەكشى ساراپتاماشىلار مەن بەلدى عىلىم وكىلدەرى كىرگەن. سونىمەن قاتار اتالعان توپ جۇمىستارىنا بۇدان بىلاي دا قاتىسامىن دەۋشىلەر ينستيتۋتتىڭ رەسمي الەۋمەتتىك جەلىلەرى ارقىلى تىركەلىپ نيەت بىلدىرە الادى.