استانا. 10 شiلدە. ورتالىق كوممۋنيكاتسيالار قىزمەتىندە وتكەن بريفينگتە سىرتقى ىستەر ءمينيسترىنىڭ ءبىرىنشى ورىنباسارى ءراپىل جوشىباەۆ ەلىمىزدە ۆيزا بەرۋ ءراسىمىن ەلەكتروندىق فورماتقا كوشىرۋ جوسپارلانىپ وتىرعانىن مالىمدەدى. بۇل تۋرالى ortcom.kz حابارلادى.
ءراپىل جوشىباەۆ: «ەلىمىزگە كەلەتىن شەتەلدىك ازاماتتارعا بارىنشا قولايلى جاعداي جاساۋ ماقساتىندا ۆيزا بەرۋدىڭ قولدانىستاعى تارتىبىنە وزگەرىستەر ەنگىزىلەدى. سوندىقتان, اۆتوماتتاندىرۋ, ەلەكتروندىق ۆيزالاردى راسىمدەۋ بويىنشا قىزمەتتەردى ينتەگراتسيالاۋ ءتارىزدى جاڭاشىلدىقتار جانە وزگە دە جەڭىلدىكتەر نەگىزگە الىنىپ وتىر. قازىرگى ۋاقىتتا ءراسىمدى ەلەكتروندىق فورماتقا كوشىرۋ تەتىكتەرى سارالانۋدا», – دەدى.
سونداي-اق, ول ۆيزانى راسىمدەۋدى ەلەكتروندىق فورماتقا كوشىرۋدىڭ ءتيىمدى جاقتارىن دا ءسوز ەتتى.
ر.جوشىباەۆ: «بۇل شەكارانى كەسىپ ءوتۋدى جەڭىلدەتۋ, كوشى-قون ەسەبى جانە قاۋىپسىزدىك ماسەلەسى بويىنشا جاسالعان ۇلكەن قادام بولادى. ەلەكتروندىق ۆيزا تىكەلەي قارىم-قاتىناسسىز, كەز كەلگەن مەملەكەتتە قازاقستاندىق ۆيزانى الۋ مۇمكىندىگىن بەرەدى. ۆيزانى ەلگە كەلگەندە شەكاردا الاتىن بولادى. بۇل جاڭاشىلدىقتاردى جۋىق ارادا ەنگىزۋدى جوسپارلاپ وتىرمىز», - دەدى.
بۇدان بولەك, سىرتقى ىستەر ءمينيسترىنىڭ ءبىرىنشى ورىنباسارى اقش, ۇلىبريتانيا, گەرمانيا, فرانتسيا, يتاليا, مالايزيا, نيدەرلاندى, بىرىككەن اراب امىرلىگى, كورەيا رەسپۋبليكاسى جانە جاپونيا ەلدەرىنىڭ ازاماتتارى 2014 جىلعى 15 شىلدە مەن 2015 جىلعى 15 شىلدە ارالىعىندا مەملەكەتتىك شەكارادان ءوتۋ كەزىندە 15 كۇنگە دەيىن ۆيزالىق تالاپتاردان بوساتىلاتىنىن جەتكىزدى.
ر.جوشىباەۆ: «اتالعان باستاما ەكىجاقتى بايلانىستاردى نىعايتۋعا, الەۋەتتى ينۆەستورلار مەن شەتەلدىك ىسكەر تۇلعالارعا جايلى جاعداي جاساۋعا, سونداي-اق ەلىمىزگە تۋريستەر شاقىرۋعا باعىتتالىپ وتىر. بۇل ءوز كەزەگىندە قازاقستانعا تۋريزم سالاسىن بەلسەندى دامىتۋعا مۇمكىندىك بەرەدى, شاعىن جانە ورتا بيزنەستى دامىتۋعا, جاڭا جۇمىس ورىندارىن قۇرۋعا, ەل بيۋدجەتىن تولتىرۋعا اسەرىن تيگىزەدى دەپ كۇتىلۋدە», – دەدى.
جولدىباي بازار.
دەرەككوز: ortcom.kz.
فوتو: pokupon.by.