مەملەكەت باسشىسى ەلىمىزدىڭ الەۋمەتتىك-ەكونوميكالىق دامۋى جونىندەگى كەڭەستە ۇكىمەتتىڭ ەسەبىن تىڭدادى, دەپ حابارلايدى Egemen.kz.
قاسىم-جومارت توقاەۆ ەكونوميكانى ءارتاراپتاندىرۋ ىسىندە اتقارىلىپ جاتقان ءىستىڭ از ەكەنىن ايتىپ, ۇكىمەت جۇمىسىن سىنعا الدى.
«قازاقستان مۇناي جانە گاز ءوندىرۋشى ەل رەتىندە جاڭا گەوەكونوميكالىق جاعدايعا بەيىمدەلۋى كەرەك. ەكونوميكانى ءارتاراپتاندىرۋ – ۋاقىت تالابى ءارى ستراتەگيالىق مىندەت. ءبىز بۇل تۋرالى ۇنەمى ايتىپ ءجۇرمىز. بىراق ىسىمىزدەن ءسوزىمىز كوپ بولىپ تۇر. دەرەۋ ىسكە كوشپەسەك, الەمدىك باسەكەدە وزىق بولا المايمىز, ياعني الەم ەكونوميكاسىندا كوش سوڭىندا قالۋىمىزعا تۋرا كەلەدى. جاڭا عانا ەلىمىزدىڭ دامۋ بارىسى تۋرالى ۇكىمەتتىڭ ەسەبىن تىڭدادىق», دەدى پرەزيدەنت.