الماتىدا جول قوزعالىسىن رەتتەۋ ءۇشىن جاساندى ينتەللەكت قولدانىلادى

قالا اكىمىمەن كەزدەسۋدە اۋەزوۆ اۋدانى تۇرعىندارىنىڭ ءبىرى سمارت باعدارشام ورناتۋدى ۇسىندى.

«ەڭ جوعارى جۇكتەمە ساعاتىندا قالا جولدارىندا كەپتەلىس پايدا بولادى. جول قوزعالىسىن رەتتەۋ ءۇشىن اقىلدى باعدارشامداردى ورناتۋ تۋرالى ۇسىنىسىم بار», دەدى تۇرعىن ەربولات  دوساەۆپەن كەزدەسۋدە.   قالا اكىمىنىڭ ايتۋىنشا, بۇل ماسەلەدە جاساندى ينتەللەكتتىڭ كومەگى ارتىق ەتپەيدى.   «قالا ورنىندا تۇرمايدى. ماسەلە بار. ءبىز ونىڭ شەشىمىن بەلسەندى تۇردە ىزدەيمىز. جىل سوڭىنا دەيىن ءبىز باعدارشام شارۋاشىلىعىندا جاساندى ينتەللەكتتى قولدانۋ تۋرالى تولىق مالىمەتتى الامىز. مۇنداي تاجىريبە بۇرىننان بار, تەك الماتىدا عانا ەمەس, ترافيككە ەڭ جوعارى جۇكتەمە كەزىندە باعدارشام باعىتتارىنىڭ اۋىسۋ جيىلىگى جاساندى تۇردە وزگەرگەن كەزدە دە بار.

قاعازدارىڭىزدى مەنىڭ ورىنباسارىم اسقار امرينگە تاپسىرىڭىز, ول ءسىزدىڭ ۇسىنىسىڭىزدا نە پايدالى ەكەنىن زەرتتەيدى, انىقتايدى. ەگەر ءسىزدىڭ ۇسىنىسىڭىزدىڭ ۇتىمدى جاقتارى بولسا, ءبىز ولاردى قولداناتىن بولامىز», دەپ جاۋاپ بەردى الماتى قالاسىنىڭ اكىمى.