ناۋرىز ايىنداعى ۇبت قورىتىندىسى

ۇبت باستالعالى شەكتى بالدى 78 پايىز­عا جۋىق نەمەسە 86 مىڭ تالاپكەر جيناپ, 22 پايىزى شەكتى بالل جيناي الماعان. ناۋرىزداعى سىناقتىڭ ورتاشا بالى 70-ءتى قۇرادى. وتكەن جىلمەن سالىستىرعاندا بۇل كورسەتكىش 1 بالعا جوعارى. ەڭ جوعارى بالل – 136.

– ناۋرىز ۇبت-سى 10-31 ناۋرىز ارالى­عىندا ءوتتى. جالپى, ناۋرىزداعى ۇلتتىق بىرىڭعاي تەستىلەۋگە 111 مىڭ­عا جۋىق ادام قاتىستى, وتكەن جىل­مەن سالىستىر­عاندا 8 مىڭعا ارتىق. ادەتتەگىدەي, تەستىلەۋ­شىلەردىڭ ەڭ كوپ تاڭداعان كومبيناتسيالارى – «ماتە­ماتيكا-فيزيكا» (19 پايىز) جانە «بيولوگيا-حيميا» (19 پايىز). IT باعىت­­ت­ارعا تۇسۋگە قاجەتتى جاڭا «ما­تە­ما­تيكا-ينفورماتيكا» كومبيناتسياسىن ۇبت-عا قاتىسۋشىلاردىڭ 11 پايى­زى تاپسىرعان. تەستىلەۋ شتاتتى رەجىم­دە ءوتتى, – دەدى ۇلتتىق تەستىلەۋ ورتا­لىعىنىڭ ديرەكتورى رۋسلان ەمەلباەۆ.

ايتا كەتۋ كەرەك, ەرەكشە ءبىلىم بەرۋ قاجەتتىلىكتەرى بار بالالار ءۇشىن تەستىلەۋگە قوسىمشا 40 مينۋت ءبولىن­دى, قاجەت بولعان جاعدايدا ولارعا كومەكشى بەرىلەدى. سونىمەن قاتار ولار ءۇشىن سىزبا جانە دياگراممالارسىز سۇراقتار جاسالعان. قابىلدانعان ءىس-شارالار ناتيجەسىندە ەرەكشە ءبىلىم بەرۋ قاجەتتىلىكتەرى بار 237 بالا ۇبت تاپسىردى.

85 تالاپكەر سمارتفون, شپارگالكا­ جانە باسقا دا تىيىم سالىنعان زات­تاردى الىپ ءوتۋ ارەكەتى سالدارىنان تەست تاپسىرۋ مۇمكىن­دىگىنەن ايىرىل­دى.­ تەستىلەۋ كەزىندە ەرەجە­لەردى بۇز­عا­نى ءۇشىن اۋديتوريادان 109 وقۋشى شىعا­رىلىپ, ولاردىڭ ناتيجەلەرى جويىل­دى.

ۇبت-عا دايىندىقتى جاقسارتۋ ماقسا­تىن­دا ۇلتتىق تەستىلەۋ ورتالىعى وقۋ جىلىنىڭ باسىن­د­ا تەستىلەۋ ءپا­نى­نىڭ سپەتسيفيكاتسيالارىن, تەست جوس­­پا­رىن, «قازاقستان تاريحى» جانە «دۇنيەجۇزى تاريحى» پاندەرىنەن 100 داتا, «ينفورماتيكادان» تەرميندەر ءتىزىمىن, «قا­­زاق ادەبيەتى» جانە «ورىس ادەبيەتى» پان­دە­رى­نەن شىعارمالار ءتىزىمىن ءوز سايتىندا جانە الەۋمەتتىك جەلىلەرىندە جاريالاعان بولاتىن.

سونداي-اق 2022-2023 وقۋ جىلى­نىڭ باسىنان باستاپ ۇلتتىق تەستى­لەۋ ورتالىعى ءىرى ءبىلىم بەرۋ ورتالىق­تارىمەن بىرگە باس ەمتيحانعا دايىندالۋ ءۇشىن ونلاين-ساباقتار وتكىزەدى. ال prob-ent.testcenter.kz سايتىندا تالاپكەرلەر تەگىن بايقاۋ سىناعىنان وتە الادى.