وزگەشە تۋرنير

جۋىردا IV الماتىلىق قايىرىمدىلىق فۋتبول ءتۋرنيرى مارەگە جەتتى. وعان 19 كوماندا قاتىسىپ,  جارىس ءادىل ءوتۋى ءۇشىن بىلىكتى تورەشىلەر شاقىرتىلدى. ەڭ باستىسى, تەڭبىل دوپ جارى­سىنان تۇسكەن بارلىق قاراجات قايىرىمدىلىق ماقساتقا جۇم­سالادى. ياعني, «دتسپ» اۋرۋىمەن اۋىراتىن بالالارعا مەديتسينالىق قۇرالدار جانە دە مەديتسينالىق پرەپاراتتار ساتىپ الىنباق. – مەنىڭ ويىمشا قايىرىم­دىلىق تۋرنيردە جەڭىمپاز, ۇتىلعان دەگەن بولمايدى, تەك دوستىق قانا بولادى, – دەيدى «التىن قىران» قايىرىمدىلىق قورىنىڭ وكىلى توعجان تىلەگەنوۆا. سەبەبى, وسىناۋ تۋرنير – بۇل قاتىسۋشىلارعا دوستىق قارىم-قاتىناس ورناتۋعا, جاڭادان ارىپتەستەر تاۋىپ, تانىسۋعا, سالاماتتى ءومىر سالتىنا جەتەلەيتىن مۇمكىندىكتەر الاڭى. – سوڭعى جىلدارى داستۇرگە ەنىپ كەلە جاتقان قايىرىمدىلىق ءتۋرنيردىڭ – يگىلىكتى باستامالار قاتارىنا قوسىلعانى قۋانتادى. جانە دە مەنىڭ بايقاعانىم, مەن قا­تىسقان باسقا تۋرنيرلەرمەن سالىستىرعاندا, بۇل جەردە ويىن­­­شى­لار دا جاقسى ونەر كورسە­تىپ, جا­­­راقات وتە از بولدى, ءتىپتى, اۋىر جارا­قات بولمادى, – دەدى نسك ساقتان­­­دىرۋ كومپانياسىنىڭ دارىگەرى. – ءبىر جاعىنان, جىگىتتەر وسىنداي قايىرىمدىلىق ءىس-شاراسىنا قاتىسىپ, وزدەرىنىڭ ۇلەستەرىن قوسسا, ەكىنشى جاعىنان, ولار سالاماتتى ءومىر سالتىن ۇستانۋدا. ءار جىل سايىن تۋرنيرگە جاڭا كوماندالار قاتىسۋدا. جۇلدەلى ورىن العان كوماندالار كۋبوك, مە­دال السا دا, بۇل جەردە ەڭ باس­تىسى وسى ىزگى شاراعا قاتىسۋ دەپ ويلايمىن, – دەدى «MEGA» كومان­داسىنىڭ كاپيتانى الىشەر اليەۆ. تۋرنيرگە ءتورت جىلدان بەرى قاتىسىپ, بيىل ءبىرىنشى ورىن العان Marseille («قازاقستان حالىق بانكى») كومانداسىنىڭ كاپيتانى ديار ازبەرگەنوۆ ءتۋرنيردىڭ جا­رىستان گورى, قايىرىمدىلىق ءىس-شارا ەكەندىگىنە كوڭىل ءبولىپ, جينالعان قاراجات مۇگەدەك بالا­لار­عا جۇمسالاتىنىنا قۋانادى. سونىمەن تەڭبىل دوپ تۋر­­­ني­رىن ۇيىمداستىرۋعا «بولا­شاق» كورپوراتيۆتىك قورى, قازاق­­­ستان­­­­داعى لوندوندىق ەكونو­ميكالىق مەكتەبىنىڭ قاۋىم­داس­تىعى, قازاق­ستانداعى يمپەريال كوللەدج قاۋىمداستىعى, «حالىق­ارالىق «التىن قىران» قايىرىمدىلىق قورى «Altyn Kyran» اتسالىستى. وسى جىلى تۋرنيرگە «RG Brands» كومپانياسى, «OneCard», «Fi­delity» فيتنەس-كلۋبى, «نسك» ساق­تاندىرۋ كومپانياسى, Mar­seille­Pub, «كوماندا يا ۆولونتەر» قو­عام­دىق قورى دەمەۋشىلىك تانىتقان. ايناش ەسالي, «ەگەمەن قازاقستان».  الماتى.