ۇكىمەت اگروونەركاسىپ كەشەنىنە جىل سوڭىنا دەيىن 50 ملرد. تەڭگە ينۆەستيتسيا تارتۋدى جوسپارلاپ وتىر. بۇل تۋرالى ايتقان ەكونوميكا جانە بيۋدجەتتىك جوسپارلاۋ ءمينيسترى ەربولات دوساەۆتىڭ مالىمەتىنە قاراعاندا, سالانى قارجىلىق ساۋىقتىرۋ باعىتىندا سوڭعى ءۇش ايدا 170 ملرد. تەڭگەدەن استام سوماعا 172 قارىز الۋشىنىڭ وتىنىمدەرى ماقۇلدانعان. بۇگىنگى تاڭدا مۇندا 13 ملرد. تەڭگەنى قۇرايتىن 20 ينۆەستيتسيالىق جوبا پايدالانۋعا بەرىلگەن.
قازاقستان جىل اياعىنا دەيىن ەكسپورتقا 10 مىڭ توننا جوعارى ساپالى ءىرى قارا ەتىن جونەلتەدى. اۋىل شارۋاشىلىعى ءمينيسترى اسىلجان مامىتبەكوۆ جوبانىڭ 2011 جىلى ەلباسى تاپسىرماسىنا سايكەس جاسالعانىن, ونىڭ 2012 جىلدان بەرى جۇزەگە اسىرىلىپ كەلە جاتقانىن جەتكىزدى. «قازىرگى كەزگە 1 مىڭ 350 توننا ەت ەكسپورتقا جىبەرىلدى», دەدى ول.
الماتى قالاسىندا ەلىمىزدەگى تۇڭعىش تۇنگى ۆەلوجارىس وتەدى. استانا كۇنىنە وراي ۇيىمداستىرىلعالى تۇرعان شارانى قالا اكىمدىگى قولعا الدى. تۇنگى ۆەلوجارىس 4 شىلدە كۇنى كەشكى ساعات 22:00-دە ءال-فارابي داڭعىلى مەن تاتتىمبەت كوشەسىنىڭ قيىلىسىنان باستالادى.
شىعىس قازاقستاندا ءسۇت وڭدەۋشى كاسىپورىندارعا 467 ملن. تەڭگە قارجى ءبولىنەدى. «اگروبيزنەس-2020» باعدارلاماسى شەڭبەرىندە قولعا الىنعان بۇل قاناتقاقتى جوبا شيكىزات باعاسىنىڭ قىمباتتىعىنا بايلانىستى تۋىنداعان پروبلەمالاردى شەشۋگە كومەكتەسەدى.
قىزىلوردا وبلىسىنىڭ پروكۋراتۋراسى بيىلعى 5 ايدا الاياقتىق دەرەگىمەن 452 قىلمىستىق ءىس قوزعادى. بۇگىندە بۇلاردىڭ 191-ءى سوتقا جىبەرىلگەن. وبلىستىق پروكۋراتۋرا ءباسپاسوز قىزمەتىنىڭ بايانداۋىنشا, 114 فاكتىدە الاياقتار «نەسيە الۋعا كومەكتەسەمىن» دەپ جۇرتتى الداسا, 75-ىندە قولجەتىمدى باعامەن يپوتەكالىق نەسيە الىپ بەرۋگە ۋادە ەتكەن.
پاۆلوداردا جالعا بەرىلەتىن تۇرعىن ءۇي قۇرىلىسى باستالدى. «قازاقستان يپوتەكالىق كومپانياسى» يۇ» اق جالپى الاڭى 9 457,92 شارشى مەترلىك كوپ ءپاتەرلى تۇرعىن ءۇي قۇرىلىسىن قارجىلاندىرادى. جايلىلىعى ءتورتىنشى كلاستى 9 قاباتتى تۇرعىن ءۇيدى قارجىلاندىرۋدىڭ جالپى سوماسى 870 ملن. تەڭگەنى قۇرايدى.
قوستاناي وبلىسىندا ءتورتىنشى رەت جاستار كۇنى اتالىپ ءوتتى. وعان ماۋسىم ايىنىڭ سوڭعى ءۇش كۇنى ارنالدى. ورتالىق ستاديوندا كەرۋەن كەرگەن شەرۋگە سپورتشىلار, انشىلەر, پەداگوگيكالىق جاساقتار, جاستار ۇيىمدارىنىڭ جانە ءىرى ونەركاسىپ ورىندارىنىڭ قىزمەتكەرلەرى قاتىستى.
«قازاقپارات»,
اltaynews.kz, اlau.kz, Egemen.kz اگەنتتىكتەرى سايتتارىنىڭ دەرەكتەرى بويىنشا دايىندالدى.