پارلامەنت سەناتىنىڭ دەپۋتاتى گەورگي كيم ەۋروپا كەڭەسى پارلامەنتتىك اسسامبلەياسىنىڭ جىل سايىنعى سەسسياسىنا قاتىستى. شارا 23-27 ماۋسىمدا ستراسبۋرگ (فرانتسيا) قالاسىندا بولدى, دەپ حابارلادى سەناتتىڭ ءباسپاسوز قىزمەتى.
سەسسيا اياسىندا پارلامەنتشىلەر ماكەدونيا مەن ۋكرايناداعى پرەزيدەنت سايلاۋىنداعى اسسامبلەيانىڭ بايقاۋ ميسسياسى مونيتورينگ قورىتىندىلارى تۋرالى ەسەپتەردى تىڭدادى. دەپۋتاتتار زاڭسىز كوشىپ-قونۋشىلاردىڭ جانە ولاردىڭ ىقپالداسۋ ماسەلەلەرىن, ءمادەنيەتارالىق قاۋىمداستىقتار اياسىنداعى بىرەگەيلىك پەن الۋاندىق, كامەلەتكە تولماعاندارعا قاتىستى سوت تورەلىگى, بۇقارالىق اقپارات قۇرالدارى ارقىلى كورسەتىلەتىن زورلىق-زومبىلىق, پارلامەنتتىك اسسامبلەيانى رەفورمالاۋ بارىسى, سونداي-اق, ادام قۇقىقتارى جونىندەگى ەۋروپا سوتىنىڭ تاۋەلسىزدىگىن نىعايتۋ ۇدەرىستەرىن تالقىلادى.