كوك اسپاندى باعىندىرۋ ۇستىندەگى جاستار تالپىنىسى ىزدەنىس پەن ءبىلىمدى ۇشتاستىرا ءبىلدى
بالقاش ماڭىنداعى اۆياتسيا وقۋ-جاتتىعۋ ورتالىعىندا ەكى مارتە كەڭەس وداعىنىڭ باتىرى تالعات بيگەلدينوۆ اتىنداعى اۋە قورعانىسى كۇشتەرى اسكەري ينستيتۋتى 3-كۋرس ستۋدەنتتەرىنىڭ ۇشۋ تاعىلىمداماسى اياقتالدى.
ءبىر ەرەكشەلىگى بولاشاق اۆياتورلار ۇشاقتى باسقارۋ تەحنيكاسىنان, ناۆيگاتسيادان, جاۋىنگەرلىك قولدانۋدان, قاراپايىم جانە كۇردەلى مەتەورولوگيالىق جاعدايلاردا ۇشۋ-تاكتيكالىق جانە ۇشۋ-ادىستەمەلىك دايارلىق وقۋ-جاتتىعۋ ۇشۋ دايارلىعى باعدارلاماسىن تولىق ورىنداي الدى. كۋرسانتتار اۆياتسيالىق ورتالىق تاجىريبەلى نۇسقاۋشىلارىنىڭ جەتەكشىلىگىمەن وقۋ ماتەريالدىق تابىستى مەڭگەرىپ, ۇشۋ-نۇسقاۋشىلار قۇرامىنا وزدەرىنىڭ ماشىقتانۋ دەڭگەيى مەن بىلىمدەرىن كورسەتە ءبىلدى.
ۇشۋ-تاجىريبەلىك كۋرسىن قورىتا كەلە بىرىككەن ەسكادريليانىڭ كومانديرى 3-سىنىپتى ۇشقىش مايور ەرمەك سەيداحمەتوۆ: «تەك قاجىرلى ەڭبەك پەن جارعىلىق تالاپ, ۇشۋ شەبەرلىگىن زەردەلەۋدەگى ىنتا-جىگەر عانا ۇشۋ ىسىندەگى تابىستىڭ نەگىزى بولىپ تابىلادى», – دەپ اتاپ ءوتتى.
«ەگەمەن-اقپارات».