الماتىدا Toyota Camry كولىگى كوپىردەن قۇلاپ, بىرنەشە ادام زارداپ شەكتى. بۇل تۋرالى الماتى قالالىق دەنساۋلىق ساقتاۋ باسقارماسىنىڭ ءباسپاسوز قىزمەتى مالىمدەدى, دەپ حابارلايدى Egemen.kz.
ۆەدومستۆو مالىمەتىنشە, اپات سالدارىنان التى ادام زارداپ شەككەن. ولاردىڭ بارلىعى جەدەل جاردەم قىزمەتىمەن اۋرۋحانالارعا جەتكىزىلگەن.
ء«تورت زارداپ شەگۋشى باس سۇيەك-مي جاراقاتتارىمەن, ءارتۇرلى دارەجەدەگى سىنىقتارمەن جانە كوگەرۋلەرمەن الماتى قالالىق جەدەل شۇعىل كومەك كورسەتۋ اۋرۋحاناسىنا جەتكىزىلدى. كورسەتىلگەن كومەكتەن كەيىن ولاردىڭ بىرەۋى تۇرعىلىقتى جەرى بويىنشا ەمحاناعا ءارى قاراي امبۋلاتورلىق ەمدەلۋگە جىبەرىلدى, ۇشەۋى اۋرۋحانادا, بىرەۋى جانساقتاۋ بولىمىندە جاتىر. قازىرگى ۋاقىتتا ولاردىڭ جاعدايى العان جاراقاتتارىنا بايلانىستى اۋىر دەپ باعالانىپ وتىر», دەپ حابارلادى ءباسپاسوز قىزمەتى.
ال №7 قالالىق كلينيكالىق اۋرۋحاناعا جەتكىزىلگەن ءبىر ناۋقاس نەيروحيرۋرگيالىق بولىمشەگە جاتقىزىلدى, جاعدايى ورتاشا اۋىر.